Айар сахалыы тыыннаах таҥаска улахан аахсыйаны биллэрэр

«Айар. Таҥас»: Саха үгэһин аныгы кэм эйгэтигэр

Алтынньы 19–25 күннэригэр «Айар» кыһа сахалыы тыыннаах таҥаска улахан аахсыйаны биллэрэр. Сылаас күннэр ааһан, кыһыҥҥы кэм чугаһаабытынан, дьиэ кэргэнинэн сылаас, табыгастаах уонна суолталаах таҥаһы-сабы атыылаһарга тоҕоостоох кэм үүннэ. Бу сырыыга дизайнердар саха култууратын кодун аныгы матырыйаалларга, кэрэхсэбиллээх дьэргэтиилэргэ уонна дьоһун быһыыга кубулуттулар.

Эр дьоҥҥо уонна дьахталларга аналлаах сылаас көстүүмнэр – бу кэлэр кыһын сүрүн хаппахчыта. Кэрэ аҥаар көстүүмэ 80% хлопоктан уонна 20% полиэстертэн оҥоһуллубут үрдүк хаачыстыбалаах футертан тигиллиннэ. Матырыйаал форматын тутар, онон күн аайы кэтэргэ табыгастаах. Былааччыга уонна бүрүүкэҕэ дьэрэкээн оҥоһуулаах сиэхтэр, функциональнай сиэптэр уонна кыраныыссаны чопчулуур бытархайдар эрэ бааллар. Сүрүн болҕомтону көҕүөр ойууга (лировидный узор) уурулунна. Бу саха киэргэтиитигэр сайдыы, чэлгийии уонна байылыат олох бэлиэтэ. Манна кини аныгы матырыйаалга түһэриллэн, суолталаах акцент буолан хаалар. Көстүүм куорат устун хаамарга, айаҥҥа эбэтэр иллэҥ кэмҥэ анаммыт – кини табыгастааҕын таһынан, көрүҥүнэн ыраас уонна биир ситимнээх.

Эр киһи көстүүмэ күннээҕи олоххо, айылҕаҕа тахсарга эбэтэр куорат устун сылдьарга анаммыт иккис былаһын тухары кэтиллэр таҥас. Бу көстүүм – булка-алка, көхтөөх сынньалаҥҥа уонна дьиэ таһыгар үлэлииргэ табыгастаах халыҥ хахха. Матырыйаала – флис: чэпчэки, сылаас, тыынар уонна түргэнник куурар. Кини куһаҕан күн-дьыл буоллаҕына да, эр киһини тымныыттан, тыалтан харыстыыр. Өҥө – эр дьон классическай өҥнөрүн дьүөрэлэһиитэ: хара, сиэрэй, хараҥа от күөҕэ уонна хараҥа халлаан күөҕэ. Көстүүм босхо быһыылаах (свободный крой), онон хамсанары хааччахтаабат.

Классическай быһыылаах, уһун сиэхтээх эр киһи ырбаахыта – бу этническэй айдентиканы кытта сатабыллаахтык силбэспит дьоһун таҥас. Манна түөһүн туһаайыытыгар биэс харах харысхала уонна Сахабыт сирин гиэрбэтэ тиһиллиннэ. Маннык ырбаахы ураты буолууну, этническэй эстетиканы уонна бэйэ уратытын бэлиэтиир дьоҥҥо ананар. Кинини джинсаны, бүрүүкэ кытта эмиэ кэтиллэр, ол иһин үлэ да, сынньалаҥ да күнүгэр барсар. Ону таһынан лүөн матырыйааллаах, сымнаҕас халлаан күөх уонна фисташковай өҥнөрдөөх ырбаахылар бааллар – кинилэр моойго уонна сиэххэ тигиллибит оһуордаахтар, ыраас уонна холку көрүҥү биэрэллэр.

Кэрэ аҥаар ырбаахыта. Туохха да тэҥнэммэт айылҕа матырыйаала эппитин-хааммытын сынньатар, күнү быһа чэпчэкитик сылдьарга кыаҕы биэрэр. Бу таҥас сүрүн киэргэлэ – ырбаахы моойугар уонна сиэҕэр тигиллибит сахалыы от-мас ойуута. Оһуор саха култууратын кытта ситимниир буолан, оҥоһукка ураты тыыны, кэрэ көстүүнү биэрэр. Ону кытта таҥас судургу, аныгылыы истиилин тутан хаалар, онон ханнык баҕарар таҥаһы кытта дьүөрэлии тутуллар. Чуумпу уонна ыраас көстүүнү биэрэр икки сымнаҕас өҥҥэ оҥоһулунна. Күөх халлаан – сайыҥҥы ыраас халлаан өҥүн санатар, сырдык уонна чэпчэки настарыанньаны саҕар. Фисташка – айылҕа саҥа тыллар отун өҥэ, уоскулаҥы, холку буолууну кэрэһэлиир. Бу өҥнөр иккиэн сүрүн таҥаһы кытта бэркэ дьүөрэлэһэн, дьууппаны, бүрүүкэни уонна сибиитэрэни кытта холбоһон, гардеробу тупсараллар. Матырыйаала: 50% лүөн, 50% п/э (полиэстер).

Футболкалар – бу саха култууратын баайа аныгы графикаҕа кубулуйуута. Манна чороон (байылыат олох), көҕүөр ойуу (чэлгийии), былдьырыыт (көҥүл) уонна сүрэх (итии сыһыан) диэн бэлиэлэр ойууламмыттар. Куорат олоҕор уонна күн аайы кэтэргэ анаан ыраас быһыылаах.

Тыйаатырга, бырааһынньыкка эбэтэр сайыҥҥы күҥҥэ анаан, «Айар» кыһа стилизованнай халадаайы таһаарда. Миди уһуннаах, чэпчэки уонна көҥүл быһыылаах былааччыйалар. Кинини сир аһын дьэрэкээн приннара уонна ойуу киэргэтэллэр. Бу былааччыйа ханнык баҕарар күҥҥэ – күннээҕи сиэрдээх кэтиигэ да, дьоро киэһэҕэ да – табыгастаах.

Хомуһуол – саха эр киһитин мааныга кэтэр сүрүн таҥаһа. Бу үгэс буолбут таҥаһы аныгылыы моһуоннаан, куорат олоҕор барсар гына уларыттыбыт. Уратытык тутуллар, имигэс костюмнай таҥас быһыыны тупсарар, куруутун ыраас уонна дьоһун көрүҥнүүр. Дириҥ, дьоһун хара өҥ талыллыбыт, ол хомуһуолга ураты тыыны биэрэр. Кэтиллэр кээмэйэ 48-тан 54-кэ диэри. Бу хомуһуолу бырааһынньыкка, дьоро күҥҥэ эрэ буолбакка, үлэ дьыалабыай көрсүһүүлэригэр, быыстапкаларга кэтэр кыах баар. Кини классическай бүрүүкэни, джинсыны кытта эмиэ дьүөрэлэһэр, эр киһиэхэ ураты намчы уонна эр санаалаах буолууну биэрэр.

Алтынньы 25 күнүгэр диэри «Айар» маҕаһыыннарыгар кэлэн, сахалыы тыыннаах, суруктаах-бичиктээх уонна харысхаллаах таҥаһы-сабы -30% чэпчэтиилээх атыылаһыҥ. Бу таҥас – тас көрүҥ эрэ буолбатах, бу – бэйэҥ төрүттэргин кытта ситим, саха омук ураты бэлиэтэ уонна кыһыҥҥы тымныыга сылаас хахха.

Реклама. АО НИК “АЙАР”, ИНН 1435328670

erid: 2VtzqxMdUbf