Оҕо көмүскэлин күнүнэн Айар кыһаттан бэлэхтэр

Күндү төрөппүттэр, эбээлэр, эһээлэр! Бу бэс ыйын 1 күнэ – Аан дойдутааҕы Оҕо көмүскэлин күнэ – оҕолорбутун үөрдэр, кинилэр инники кэскиллэрин түстүүр ураты күн! Бу күнү өссө чаҕылхай оҥорор туһугар, «Айар» национальнай кинигэ кыһа бары маҕаһыыннарыгар оҕолорго уонна төрөппүттэргэ анаан бырааһынньыктааҕы аахсыйаны биллэрэр!

Бу эрэ күн «Айар» маҕаһыыннарыгар ханнык баҕарар оҕо табаарын атыыластаххытына, анал тиһиктэн бэлэҕи талар кыаҕы ылаҕыт!

Талыы бэлэхтэр:

• футболка

• шоппер

• кружка

• брелок

• значок

• «Харысхал» браслет (араҥаччылыыр, харыстыыр аналлаах)

• «Биир муостаах көтөр» (Птица-единорог)

• «Хотой көтөр» (Птица-орел)

Тугу атыылаһыахха сөбүй?

• Дьиибэ Лаабы: [2D-остуоруйа]   

Сир дьиктитин Сир анныгар, ууга булуохха сөп дуо? Онно баар харамайдар өйдөрө киһиэхэ маарынныыра буолаарай? Бу кинигэ Лабыҥкыр эбэ аптаах уутун, былыргы кырдьаҕас сиэнин Лаабычаан уонна кини балык доҕотторун туһунан кэпсиир. Лабыҥкыр түгэҕэр туох кистэлэҥ баарын билэргэ кырачаан ааҕааччылары ыҥырабыт!

• Ойуур остуоруйалара     

Бу хомуурунньук аптаах-алыптаах ойуурга, күннээх алааска уонна чуумпу үрүйэҕэ илдьиэҕэ. Айылҕа олохтоохторо доҕордоһуу, бэйэ бэйэни өйөөһүн, убаастал күүһүн көрдөрүөхтэрэ. Дьиэ кэргэнинэн ааҕыыга үчүгэй доҕор буолар кинигэ!

• Остуоруйа аптаах холбуката

Араас майгылаах кыыллар, көтөрдөр, харамайдар, дьоннор тустарынан остуоруйалар эдэр ааҕааччылары эйэҕэс, үтүө санаалаах, толкуйдаах буоларга үөрэтэллэр. Кинигэҕэ Өксөкүлээх Өлөксөй «Саха өс хоһоонноро» кинигэтиттэн тыллар киирбиттэрэ остуоруйалар сүрүн санааларын дириҥэтэр.

• Дьиктилээх физика

Дьиэҕэр бэйэҥ билим лабораториялаах буол! Күннээҕи туттар малларгын туһанан араас уопуту оҥорон, физика дьиктилээх буоларын чахчы итэҕэйиэххит. Хас биирдии уопут хаамыыта суругунан уонна ойуунан сирдэтиилээх, түмүк быһаарыылаах.

• Ирбэт тоҥ кистэлэҥнэрэ

Ирбэт тоҥ хайдах үөскээбитий? Тоҥ сир төһө халыҥнааҕый? Эдэр чинчийээччилэри кытта силиэстийэ ыытан, ирбэт тоҥ кистэлэҥнэрин арыйарга бэлэм буолуҥ!

• Мин сахабын

Бу кинигэ кыра саастаах оҕону тулалыыр дьону-сэргэни, дьиэни-уоту, сири-дойдуну, айылҕаны интэриэһиргииргэ үөрэтэр. Оҕолорбут сахалыы тыыннара, эйгэлэрэ уһуктарыгар олук буолар сүбэ-сирдьит кинигэ аныгы кэм төрөппүттэригэр, педагогтарыгар туһалаах буолуоҕа.

• Саха оҕотун бастыҥ кинигэтэ     

Бу хомуурунньук көмөтүнэн оҕо сиэри-туому тутуһарга, өбүгэ оонньуутун оонньуурга үөрэниэҕэ, таабырынтан саҕалаан остуоруйаҕа тиийэ норуот тылынан уус-уран айымньыларын ааҕыаҕа. Дьыл эргииринэн оҥоһуллубут кинигэ, ойуу тылдьыт уонна араас сорудахтар оҕо болҕомтотун тутуохтара.

• Твоя Якутия

Улуустар ааттарыгар туох тыллар «кистэнэллэрий»? Аан дойду саамай улахан алааһа ханна баарый? Саха сиригэр кыһын сөтүөлүөххэ сөп дуо? Биһиги дьикти өрөспүүбүлүкэбит туһунан саамай интэриэһинэйи бу кинигэттэн билиэххит!

Оҕолоргутугар үөрүүнү, чаҕылхай иэйиилэри уонна тапталлаах кинигэлэри «Айар» кыһаны кытта бэлэхтээҥ!

Сүрүн ирдэбиллэр:

• Ааксыйа бэс ыйын 1 күнүгэр 2026 сылга эрэ үлэлиир.

• «Айар» бары офлайн-маҕаһыыннарыгар буолар.

• Бэлэх ахсаана хааччахтаах.

Ыалдьыттыы кэлэн, оҕолоргутугар дьоллоох оҕо сааһы бэлэхтээн!

Реклама. АО НИК “АЙАР”, ИНН 1435328670

2VtzqxjdATS