Сурук-бичик күнүгэр аналлаах дьоро киэһэҕэ ыҥырабыт

2024 сыл олунньу 13 күнүгэр 18 чаастан төрөөбүт тыл, сурук-бичик күнүгэр аналлаах «Дьиэ кэргэн – ийэ тыл биһигэ» үөрүүлээх түһүлгэҕэ Д.К. Сивцев – Суорун Омоллоон аатынан Опера уонна Балет тыйаатырыгар ыҥырабыт!

Дьоро киэһэ маанылаах түһүлгэтин киэргэтиэхтэрэ:

Арктикатааҕы култуура уонна искусство институтун, М. К. Аммосов аатынан Хотугулуу-Илиҥҥи федеральнай университет устудьуоннара

Былатыан Ойуунускай аатынан Саха академическай уонна Олоҥхо тыйыытырдарын эдэр артыыстара

Саха Өрөспүүбүлүкэтин норуоттарын ассамблеята уонна Аҕыйах ахсааннаах норуоттар ассоциациялара

Сергей Зверев-Кыыл Уола аатынан Национальнай үҥкүү тыйаатырын уонна «Кыл Саха» төрүт дорҕоон бөлөх артыыстара.

Ийэ тылбыт кэскилин тэнитэр, уйгутун уһансар оһуохайдаах түһүлгэбит торума:

17 ч. 00 м. – тыйаатыр фойетыгар ийэ тыл, култуура кэрэһиттэрин быыстапката үлэлиэҕэ, «Айар» кинигэ кыһатын атыыта ыытыллыаҕа, судаарыстыбаннай бырагыраамаҕа киирбит бырайыактар сүрэхтэниэхтэрэ.

18 ч. 00 м. – дьоро киэһэ үөрүүлээх түһүмэҕэ уонна Оһуохай тэриллиэҕэ.

Тэрийэр бөлөх

Киириитэ төлөбүрэ суох