Аар Дархан этээччи Оһуохай түһүлгэтигэр ыҥырар!

Атырдьах ыйын 24 күнүгэр,өрөбүлгэ, пааркаҕа, Оһуохай искибиэригэр Саха сирин Аар Дархан этээччитэ, Ытык киһибит Черноградскай Сэмэн Ильич- Сэмэн Чуорунай Кыайыы 80 сылыгар аналлаах түһүлгэтигэр ыҥырар. Аар Дархан этээччибит Сэмэн Чуорунай алгыстаах түһүлгэтигэр куорат олохтоохторун,ыалдьыттарын барыгытын үөрэ-көтө ыҥырабыт!

       Буолар сирэ: Дьокуускай куорат паарката, Оһуохай искибиэригэр, күнүс 2 чаастан.

Аар Дархан этээччи, СССР успуордун маастара Семён Ильич Черноградскай — Сэмэн Чуорунай: 

— Оһуохайы бастаан 6-с кылааска үөрэнэ сылдьан таһаарбытым. 50 сыл буолан баран, 2012 сыллаахха Үс Хатыҥ Ыһыаҕар бастаан Дархан этээччи аатын ылбытым. 

Онтон уон сыл буолан баран Дарханнар курэхтэригэр кыайан Аар Дархан этэччи үрдүк аатын иҥэрбиттэрэ. Билиҥҥи туругунан Саха Сиригэр үс Аар Дархан баар.  Олоҥхолоох Оһуохайы тэҥинэн тута сылдьабын.

Аан бастаан 60 сааспар Олонхону толорбутум. Онтон ыла Гран — при аатын 2009-ка уонна 2022 сыллардаахха ылбытым,  2016-2022 сылларга Аан дойдутааҕы фольклор фестивалларыгар Олоҥхо толорон 11 төгүл маҥнайгы истиэпэннээх лауреат  буолбутум.

2014 сыллаахха Польшаҕа үс тылынан, 2017 с. Сербияҕа бэйэм олонхобун Сербия тылынан,  2022с. Москваҕа Саха 5 олонхотун 5 тылынан толорбутум.

О5олорго аналлаах сахалыы- английскайдыы «Хапталдьын Баатыр» Олоҥхом Даллас куорат (АХШ) прикладной лингвистика институтугар 2018 сылтан ыла уерэх пособиятын быhыытынан туттулла сылдьар.

Бэйэм саха Олоҥхотун туһунан Даллас куорат университетыгар профессор Робин Харристыын учебнай пособие оҥоhуутугар кыттыспытым, ол үлэни 2017 с. толорбуппут. Онтон успуорка ситиһиилэрбин үс этээскэ араарабын:

• Саха сирин маастара, 

• Россия маастара,

• ССРС маастара диэн.

Бэйэм 1966 сыллаахха норматив оҥоһулла сырытта5ына (17 саастаахпар) 22 маастартан 17-н кыайан Улан-Удэ5э толорбутум. Иккиһин 1967 сыллаахха Дьокуускайга 24 маастартан 23-н кыайан толорбутум. Үсүһүн 1968 сыллаахха Дьокуускайга 23 маастардары барыларын ыраа5ынан быра5ан 18 саас 6 ыйдаахпар толорбутум.   

Нэдиэлэ буолан баран Камчатка5а 2 үтөлээх2 бочуоттаах, 4 көннөрү маастардар кэннилэриттэн 9-с бириэмэни кэрдэрбутум. Билигин Сахам Сирин 33 төгүллээх чемпионабын (26 төгүл хайыһарынан, 7 төгүл велосипедынан сырсыыга).

50 сааспын туолан баран Финляндия5а тиийэн сааһыттан тутулуга суох 42 км. курэхтэспитим. Стартка 24 дойдуттан 606 хайыьардьыт тахсыбыта. Финишкэ 5 финн, 1 швейцарец кэннилэриттэн 7-с киһинэн кэлбитим (Россияттан бастакы. 1999). Курэхтэспит кэммэр 23 көрдөрүүм хатылана илик, олортон 10 түмүгүм хатыламматахтара 57 саастарын туоллулар.

Дьэ кылгастык кэпсээтэххэ инник, билигин даҕаны айа-тута сылдьабын. 

Дьокуускай куорат олохтоохторун, ыалдьыттарын, Оһуохайы таптааччылары бу өрөбүл күн тэриллээри турар Оһуохай түһүлгэтигэр ыҥырабын!