Георгий Аксеевич Степанов күн сириттэн күрэннэ

Бу дьыл алтынньы 27 күнүгэр убаастыыр убайым, олохпор куруук үрдүк холобур оҥостор киһим Степанов Георгий Аксеевич күн сириттэн күрэннэ.

Георгий Аксеевич Саха Өрөспүүбүлүкэтин норуотун хаһаайыстыбатын үтүөлээх үлэһитэ уонна бочуоттаах бэтэрээнэ, дьиҥнээх патриот, киэҥ далааһыннаах общественник, хоммуньуус, төрөөбүт Үөһээ Бүлүүтүн улууһун уонна бүтүн Сахабыт сирин туһугар олоҕун анаабыт киһи.

Биһигини төрөөбүт дойдубутугар дириҥ, истиҥ таптал уонна дьон туһугар үлэлиир халбаҥнаабат баҕа санаа түмэрэ.

Георгий Алексеевич дьон-сэргэ, улуус чэгиэн-чэбдик, сайдыылаах буолуутугар бэйэбин олоҕун анаабыт киһи киэнэ кэрэмэһэ этэ.

Георгий Аксеевич Үөһээ Бүлүү сайдыытыгар киллэрбит сүҥкэн кылаата, төрөөбүт культуратыгар, тылыгар уонна историятыгар муҥура суох бэриниилээҕэ бар дьонун өйүгэр-санаатыгар букатыннаахтык хаалыаҕа.

Убайым чугас дьонугар, аймахтарыгар ис сүрэхтэн дириҥ кутурҕаммын тиэрдэбин. Бу биһиги дьиэ кэргэммитигэр олус ыар, туохха да тэҥнэспэт сүтүк буолар. Кини сырдык уобараһа сүрэхпитигэр өрүү тыыннаах буолуоҕа.

Ил Түмэн норуодунай депутата Николай Долгунов