Кыттааччылар балларын сыыһа саҥарыы тахсыбыта: Биллэн турар, хомолтолоох

Биһиги редакциябыт «Олоҥхо баттл» күрэх түмүгүн туһунан таһаарбыт матырыйаалбытыгар баар алҕаһы көннөрөр туһунан ити күрэх кыайыылааҕа Никита Аянитов суруга киирдэ:

Дорообо! Олоҥхо баттл кыайыылааҕа, Никита Аянитов тиийдим. Бу сымыйа информация тахсыбытын көннөрөргүтүгэр көрдөһөбүн. Баалынан кыайбытым, ведущай сыыһа саҥаран маннык тарҕана сылдьар.

Онно «Олоҥхо баттлы» тэрийэн ыыппыт «Саха» НКИК редактора Софья Наумова хоруйун ыытта:

Журналистика биир саамай уустук көрүҥүнэн быһа эпиир буолар. Ыытааччы да, кыттааччы да тугу саҥарара, этэрэ-тыынара эпииргэ тута тахса турар. «Олоҥхо баттл» бырайыак хаһыс да сылын быһа холбонууга үлэлиир. Күрэскэ эдэр олоҥхоһуттар үгүс тургутууну ааһаллар. Бэриллибит сорудахтары өйдөрүттэн тута толорон иһитиннэрэллэр.
Түмүктүүр эпииргэ кыттааччылар балларын сыыһа саҥарыы тахсыбыта, биллэн турар, хомолтолоох. 5 эпиир уопсай баалынан Никита Аянитов-1 м., Марфа Аммосова-2 м.буолбута. Телевидениеҕа хронометраж сүрүн оруолу ылар. Быһа эпиир кэмигэр, бириэмэ ааҕыытыгар сыыһа саҥарыыны көннөрбөтөхпүт алҕаспыт. Ол эрэн, экраҥҥа уопсай балл түмүгүн көрдөрбүппүт. Маны тэҥэ, дьүүллүүр сүбэ таһаарар протоколун барытын уура сылдьабыт. Алҕас тахсыбытын көннөрүллүбүтэ, онон Никита Аянитов өйдүө уонна алы гыныа диэн эрэнэбит.

Олонхо-баттл 2025: Кто завоевал Гран-при на НВК «Саха»? Читайте здесь