Баай Байанайбыт, бэттэх көрөн, мичик гын!

Күндү Сахабыт сирин бар дьоно!

Сэтинньи ый 1 күнүгэр өрөбүл күн 11ч. Байанай Айыы ыйын бэлиэтээн, Аан дойдутааҕы, Арассыыйа норуоттарын күнүгэр аналлаах нэдиэлэ чэрчитинэн «Баай Байанайбыт, бэттэх көрөн, мичик гын!» диэн араас омуктар Байанай тула түмсэр үтүө тэрээһиннэригэр Өксөкүлээх Өлөксөй аатынан Норуоттар доҕордоһууларын дьиэтигэр ыҥырабыт.

Араас омуктар куруутун биир сырдык эйгэҕэ киирэммит Байанайбытыгар сүгүрүйүөххэйиӈ, Ийэ айылҕабытын харыстыаххайыӈ, сиэри- туому тутуһуоххайыӈ.

Бу күн Байанайбыт түһүлгэтигэр түмсэммит:
☀️ Баай Байанайга сүгүрүйүөхпүт. Аал уотунан арчылаан алгыһы оӈоруоҕа алгысчыт Петр Кычкин — Сайылык Бүөтүр;
🔸 Хомуһунан уруйдуоҕа, ырыанан айхаллыаҕа Саха эстрадатын тимир куолаһа Дархан, Саха сирин культуратын туйгуна;
🔸 Булчуттары, балыксыттары эҕэрдэлиэҕэ эдэр талааннаах ырыаһыт Мичил Күннээх;
🔸 Долган омук булчуттарын үӈкүүтүн бэлэхтиэхтэрэ үӈкүүһүттэр Ирина Рассейкина, Афанасий Колочев;
🔸 «Баай Байанайга ыалдьыттааһын» диэн үһүйээнтэн дьүһүйүүнү көрдөрүөхтэрэ этнофольклорнай бөлөх «Дьээ-буо» (уус- уран сал. Любовь Каратаева);
🔸 Өбүгэлэрбит үгэстэринэн бултааһыӈӈа, балыктааһыӈӈа оҕону иитии. «Айыы Кыһата» национальнай гимназиятын Аҕа түмсүүтэ;
🔸 Оҕону оонньуу, араас оӈоһуктар нөҥүө бултааһыӈӈа, балыктааһыӈӈа угуйуу. Нам улууһуттан элбэх оҕолоох ыал аҕа баһылыга Рустам Леонидович Федоров, таксидермист;
🔸 «Баай Байанайбыт, тосхой!» диэн булчуттар, балыксыттар күрэхтэрэ.
Күрэҕи ыытар «Байанай» сурунаал кылаабынай редактора Юрий Петрович Борисов. Кыттыыны ылаллар араас омуктар бөлөхтөрө: сахалар, төрүт аҕыйах ахсааннаах омуктар, алтайдар, татардар, ямщиктар;
🔸 Айыы үөрэҕиттэн Байанай Айыы ыйын сэһэнин оӈоруоҕа Андрей Саввич Саввинов, «Кут- Сүр» кыһа сэһэнньитэ, ХИФУ профессора, философскай наука доктора;
🔸 Арассыыйа норуоттарын доҕордуу оһуохайа;
🔸 Бултка, балыкка сыһыаннаах оӈоһуктар быыстапкалара;
🔸 «Байанай бэлэҕэ» диэн СВОҕа сылдьар дьоӈӈо көмө ас хомуйуута.

Тэрийээччилэр: Өксөкүлээх Өлөксөй аатынан Норуоттар доҕордоһууларын дьиэтэ, «Саха эйгэтэ», «Кэрэ олох» уопсастыбаннай түмсүүлэр.
Буолар сирэ: Дьокуускай куоракка Өксөкүлээх Өлөксөй аатынан Норуоттар доҕордоһууларын дьиэтэ, Гостинай саала, 2 этээс, уҥа хайысха. Аадырыһа: Дьокуускай куорат, Поярков уулусса, 4 дьиэтэ.

Барыгытын түмсүүлээх түһүлгэҕэ күүтэбит.

Киириитэ босхо.

Тэрийэр бөлөх.