Дьүрүйээнэ кэнсиэригэр бииртэн хомойдум — Сайа

Аан дойду виртуоз-хомусчута – балыс дьүөгэм ДЬҮРҮЙЭЭНЭ үс чаас тохтоло суох алыптаах дорҕоон доҕуһуолунан көтүппүт кэнсиэрин түмүгэр тобус-толору олорбут саала дьоно ойон туран оһуокай тэтимигэр киирэн өрүтэ түллэҥнээн барбыттарыгар быыс кэнниттэн биир эмит тойон дуу, хотун дуу тахсан истиҥ эҕэрдэтин тиэрдэрэ, аан дойдуга саха омук уратылаах айымньытын чыпчаал таһымҥа көрдөрө, омук быһыытынан биллиибитин үрдэтэ, киэргэтэ сылдьарыгар махтанан туран Саха Өрөспүүбүлүкэтин үтүөлээх артыыһа (дьиҥэ, норуодунай артыыс да аатыгар кимнээҕэр сөп түбэһэр) аат иҥэриллэрин туһунан уурааҕы-дьаһалы иһитиннэрэрэ буоллар диэн кэтэспитим хомойуох иһин, туолбата. 

Мин билэрбинэн, ДЬҮРҮЙЭЭНЭНИ үрдүк аакка түһэрэр дьыала-куолу барыта ситэн-хотон, улуус аатыттан киирэн сыппыта ыраатта. Ол эрэн, аат-суол туһугар ардыгар сүрдээх дьэллэм буолар Өрөспүүбүлүкэ, бу дьоҕура-талаана аламаас таас курдук бары өттүнэн арылыйар артыыспытыгар кэччэгэй буолан турбута өйдөммөт.

Сүдү кыайыылар

САЙА