Ньургуһуҥҥа аналлаах тэрээһиҥҥэ ыҥырабыт

Кэрэ саас киэргэлэ — ньургуһун

Сахабыт сирин кэрэ сибэккитэ ньургуһун олоххо дьулуур, тулуур туоһутунан, кэрэ санаа кэрэһитинэн буолар. Маҥнайгы ньургуһун тыллыыта, күөххэ үктэнии, кыһыны этэҥҥэ туораан сандал саас кэлбитин туоһутунан төрөөбүт дойдуга тапталы иҥэрии буолар.

Ньургуһун сибэкки саха норуотун култууратыгар кэрэ көстүү, эдэр саас, тулхадыйбат олоххо тардыһыы күүһүн – чаҕылхай бэлиэтэ. Ол чэрчитинэн, Саха дьоно ньургуһуну уруйдуурун көрдөрөр хас сылын ахсын Өксөкүлээх Өлөксөй аатынан норуоттар доҕордоһууларын дьиэтэ ньургуһуҥҥа аналлаах тэрээһини тэрийэрэ үтүө үгэскэ кубулуйда.