Саха театра испэктээкиллэригэр ыҥырар

🎭 РОССИЯ КҮНҮНЭН ИТИИ-ИСТИҤ ЭҔЭРДЭ!

Ытыктабыллаах Саха сирин олохтоохторо, күндү көрөөччүлэрбит!

Былатыан Ойуунускай аатынан Саха академическай театра дойдубут сүрүн бырааһынньыгынан — Россия күнүнэн эҕэрдэлиир!

Бу күн — биһиги күүстээх, кыахтаах уонна элбэх норуоттаах дойдубут иллээхтик сомоҕолоһон олорорун, устуоруйатын уонна баай култууратын бэлиэтиир. Саха театра норуот духуобунай кыһата буоларын быһыытынан, ийэ тылбытын, төрүт үгэспитин харыстаан, сыана нөҥүө үйэтитэр ытык иэстээх. Биһиги айар үлэбит Россия култууратын байытар, норуоттар икки ардыларыгар доҕордоһууну бөҕөргөтөр уонна кэрэҕэ сирдиир.

Бу үөрүүлээх күн эһиэхэ уонна эһиги чугас дьоҥҥутугар кытаанах туругу, дьолу-соргуну, саҥа ситиһиилэри уонна этэҥҥэ буолууну баҕарабыт. Дойдубут туһугар киэн туттуубут өссө күүһүрдүн, кэскилбит эрэллээх, олохпут уйгулаах буоллун!

Бырааһынньык күннэригэр эһигини театрбыт сыанатыгар испэктээкиллэрбитин көрөргө ыҥырабыт:

🎭 Бэс ыйын 12 күнүгэр 18:00 чааска —«Маһары. Ыраахтааҕыга айан»

🎭 Бэс ыйын 13 уонна 14 күннэригэр 17:00 чааска — «Өтөх»

🎫 Онлайн билиэттэр: https://iframeab-pre5643.intickets.ru/events

⭐️ Пушкинскай каарта

🏛️ Театр каассата күн ахсын өрөбүлэ, тохтобула суох 10:00-18:00 ч. үлэлиир

☎️ Билсэр төл: 34-13-31