Аар Айыыларбыт маанылааннар, күммүт-дьылбыт туран биэрдэ!

Сунтаар улууһа сурукка-бичиккэ киирбитэ 225 сылыгар аналлаах ыһыах аһыллыыта олус үчүгэйдик ааста.

Судургутук эттэххэ, олоҥхо Аллараа дойдутун абааһытын кытары киирсиина буолбакка, Сунтаар олоҕун төрүттэниитин олус үчүгэйдик арыйан көрдөрдүлэр. Убайбыт, Дархан этээччи, Сунтаар улууһун алгысчыта Кураһаай Мэхээлэ алгыһын иҥэринэн ылынныбыт.

Мин оһуокайым күрэҕэр тардыһан туран сылдьан кынаттаһан астынным. Финалга идэтийбит этээччилэртэн Ньурба улууһун Сүлэтиттэн Айна Семенова, үтүөлээх этээччи Константин Павлов, Аллыҥаттан Марта Чирикова, Элгээйиттэн үтүөлээх этээччи Людмила Павлова, Сунтаар Далбар этээччитэ Марина Хомподоева, Кутанаттан Алексей Потапов, Дархан этээччилэр Кураһаай, Лариса Иванова, Стас Иванов, Лилия Михайлова киирдилэр. Бүгүн кинилэр анал аакка уонна Далбар, Дархан этээччи аакка тиксиэхтэрэ.

Оһуокай күрэҕин иннинэ Саха Өрөспүүбүлүкэтин култууратын үтүөлээх үлэһитэ, аатырбыт тойуксут, оһуокайдьыт Тойуктаах Маарыйа-Мария Ивановна Егорова ытык аатыгар Оһуокай түһүлгэтигэр ыскамыайка арыллыыта буолла.

Фотофакт: ысыах в Тикси