Кэбээйилэр куутэллэр

Кэбээйини собонон

Эрэ билэр элбэхтэр!

Оттон быйыл ОЛОҤХО

Ыһыаҕынан билиэххит!

Тиийиҥ! Көрүҥ! Ыалдьыттааҥ!

Уһук улуус сиригэр!

Хайдах курдук сэргэх дьон

Онно бааллар эбитин!

Былыр, быйыл даҕаны

Кэрэ кэпсээн, кэрэ дьон

Төрөөн, үүммүт дойдута —

Ону кэпсиэ ыһыаҕа!

Саамай суола суоҕунан

Эрэйдэммит Кэбээйи

Суола көнөн билигин

Хаалсыбатын көрүөххүт!

Хоптон-сиптэн, ватсаабтан

Истиэхтээҕэр биир көрүү

Ордук буолар хаһан да —

Илэ тиийэн алтыһыҥ!

Кэбээйилэр үөрэллэр!

Кэбээйилэр күүтэллэр!

Кэбээйибит ыһыаҕа

ОЛОҤХОТТОН үүнүөҕэ!

ОЛОҤХОБУТ тойуга

Салгын устун тарҕаныа!

Тиийбит эрэ барыта

Алгыс ылан төннүөҕэ!

Арчы түһүлгэтин түстэниитэ

ПОЛИНА ПОБЕДА