Yтүө тэрээһиҥҥэ ыҥырабыт  

Күндү Сахабыт сирин бар дьоно!

Муус устар 26 күнүгэр 15 ч. Өксөкүлээх Өлөксөй аатынан Норуоттар доҕордоһууларын дьиэтигэр (Гостинай саала, 2 этээс, уҥа хайысха, ул.Пояркова, 4) «Исидор Барахов —  Саха Республикатын төрүттэспит саха омук чулуу уола» диэн үтүө тэрээһиҥҥэ барыгытын ыҥырабыт.

Кыттыыны ылаллар:

Андрей Саввич Саввинов — философскай наука доктора, ХИФУ профессора, «Кут- Сүр» кыһа сэһэнньитэ.

Афанасий Алексеевич Николаев — историческай наука кандидата, историк.

Иван Юрьевич Васильев — филология магистра, ХИФУ саха тылын кафедратын аҕа учуутала

Михаил Иванович Охлопков — Масаха Мэхээс, блогер.

И.Н. Барахов аймахтара.

Бары чулуу киһибит тула түмсэммит ааспыты ахтыаҕыҥ, кэлэр кэскилбитин кэпсэтиэҕиҥ, оһуохайдаан сомоҕолоһуоҕуҥ диэн ыҥырабыт.

Киириитэ босхо.

Биллэриини салгыы, баһаалыста, тарҕатан иһиэххэйиҥ.

Саха Кэнгириэһэ. Биллэрии! Биллэрии!