Улуу ырыаһыт Баһылай Еремеев сырдык кэриэһигэр…

Юрий Платонов аатынан эстрада судаарыстыбаннай театра биллэрэр!

Ытыктабыллаах Саха сирин олохтоохторо!

Биһиги сүрэхпитигэр умнуллубат сырдык суолу хаалларбыт, сахабыт норуотун талааннаах уола, ырыа тылларын иэйиитинэн ииппит, Саха сирин үтүөлээх артыыһа, улуу ырыаһыт Баһылай Еремеев сырдык кэриэһигэр аналлаах ырыа күрэҕэр кини төрөөбүт күнүгэр — муус устар 16 күнүгэр, бука барыгытын ыҥырабыт!

Өскөтүн эн 18 сааскын туолбут,  ырыаны өрө туппут, талааннаах ырыаһыт буоллаххына бу күрэххэ кэлэн кытын. Фестиваль-күрэххэ кыттыы сүрүн ирдэбилэ – Василий Еремеев ыллаабыт ырыатын толоруу.

Кылаан кыайыылаахха 100 тыһ. уу харчынан туттарыллыа! Ону тэҥэ Василий Еремеев доҕотторуттан, төрөөбүт дойдутун дьаһалтатыттан анал бириистэр.

Баһылай Еремеев аата Саха ырыатын историятыгар кыһыл көмүс буукубанан суруллубут. Кини дьүрүскэн куолаһа, иһирэх иэйиилээх ырыалара биһиги дууһабытын таарыйан, өрүүтүн олохпут аргыстара буола сылдьыбыттара, буолуохтара даҕаны. Кини саха эстрадатын саҥа таһымҥа таһаарбыта, эдэр ырыаһыттарга кэрэхсэбиллээх холобур буолбута.

Бу күрэххэ кини айымньыларын үйэтитэн, сүрэҕиттэн тахсыбыт ырыаларын саҥалыы тыыннаан, аныгылыы толороргутун күүтэбит.

Кэлэн, Василий Еремеев аатын ааттаан, кини айымньыларын ыллаан,  кыттааччылары кытта алтыһан ааһыҥ! Бу – Василий Еремеевка анаммыт махталбыт, сүгүрүйүүбүт бэлиэтэ.

Ырыа күрэҕэ муус устар 16 күнүгэр, 11чаастан чаастан, Саха эстрадатын тыйаатырын уораҕайыгар буолар.

Бу түгэн — дьоро күн, кэрэ көрсүһүү буолуоҕа.

Сиһилии https://sakhaestrada.ru/ сайтка билсиҥ.

Билсэр нүөмэргит 89142725429