Арай ынахпыт турбат… Чаас ааста — Ураанай турбат…

Масаха Мэхээс ынаҕа игирэ ньирэйи төрөппүт

«Бүгүн Ураанайым төрөөтө.

Киэһээ 19 диэкки ынахтарбар таҕыстым, арай Ураанайым төрөөн сытар эбит. Хаһан даҕаны ынах диэни көрбөтөх буолан олус долгуйдум, куттанным даҕаны. Баран түргэнник эдьиэйбин Нина Иннокентьевнаны аҕалан сүбэлэттим, амалаттым. Телефоҥҥа сибээскэ онлайн аймахтарым уонна ООО Агроэксперт уолаттара бары бааллар. Кэргэним күүс-көмө бөҕө, бэйэбиттэн хорсун.

Ньирэйи көтөҕөн ылан ынахха салаттардым. Арай ынахпыт турбат… Чаас ааста — Ураанай турбат. Атаҕа көһөйбүтэ буолуо диэн үтүөлээтибит — турбат.

Арай Ураанай кэнниттэн туйах быган сытарын өйдөөн көрдүм. Онтум баара иикис ньирэй тахсаары сытар эбит. Ынаҕым сэниэтэ суох буолан көмөлөһөргө туруннум. Биир туйаҕа иһигэр токуруйан хаайтаран хаалбыт эбит, хаһан ылан хостоотум, телефоҥҥа Михаил Миронов онлайн салайа олорор. Иннэ гынан олохпор маҥнайгыбын ынах төрөттүм😅 Күтүөтүм Байбал начаас ньирэйдэр уйаларын оҥордо.
Эмтэрэн, ыан, алаадьылаан баран дьиэбитигэр киирдибит👍🏻».