Кто победил на первом этапе Игр Дыгына?

Один ответ для “Кто победил на первом этапе Игр Дыгына?”

1. Ариан:

   28.06.2026 в 09:26

   Ыһыах, Дыгын оонньуулара!
   Быйыл намнар суохтар, онон Таатталарга ыалдьабын, ол биллэр буоллаҕа дии

   Николай Маатаннаанапка.
   Дыгыҥҥа кыттыбыта УОН сыл, ол тухары наар призер. Үстэ иккис миэстэ. Сааһа ыраатта, 35, ол эрэн уопут элбэх буоллаҕа?! Сүүмэрдиир оонньууларга көрдөрүүтэ үчүгэй этэ, онон эрэнэбин!

   Дьэ, күрэх барда!

   3 төгүл 3 атах оонньооһунугар, биллэн турар, кынаттаах кыыралдьыт Яков Дмитриев (Кэбээйи) үһүс холонууга тахса да сатаабата, икки холонууга атыттар бары ыраах сылдьаллар этэ.

   — Кэбээйилэр, соседтарбыт, атахтаах уолаттар!
   Артем Дьяконов иккис.
   — Үһүскэ, ыараханнык (драматически диэххэ дуу), Орто Халыма бэрдэ Алексей Созонов — иккитэ заступ оҥорон, Үһүс попыткатыгар эмиэ мөккүһүү баар да буоллар — көстөр этэ, зааступтаабыт да ыстанарыгар 34 миэтэрэттэн тахсаны түһэрэ. Кырдьык үчүгэйдик ыстанан уол.
   -Төрдүс миэстэҕэ, астыныам иһин, Маатаннаанап оҕонньор!
   Наһаа үчүгэйдик ыстаммат этэ ээ урут, уонна сааһырдаҕа дии, атаҕар мөлтүөхтээх этэ буо? Суох, 33, 23 !

   Тутум эргиир.
   Олус ыарахан көрүҥ. Илии, тарбах (маһы ыыппакка тутарга), ньымыгас буолуу (бэйэҕин тула эн саатар Биирдэ эргийэн көр эрэ), уһун тыын (хас 2 сөкүүндэ аайы, тохтообокко, эргийэн иһиэхтээххин. Инники буолуоххун баҕарар буоллаххына, өссө түргэнник эргийиэхтээххин.
   Олох, «Эрбэх үрдүгэр сэттэтэ эргийэр» эрэ чулуу бастыыр көрүҥэ.

   Уолаттар чаҕылхайдар! Борис Сдвижков (Амма) 67! Алексей Соколов (Сунтаар) 65! Артем Дьяконов (Кэбээйи) 64!
   Маатаннанап алтыс, саастаах киһи диэтэххэ, уол имигэс!

   Үһүс бүгүҥҥү көрүҥ — мас тардыһыыта.
   Дьэ, сыра-сылба эстэр, күүс-кыах биллэр, хаан-сиин даҕаны тахсар — маһы ыытымаары турууласпыт киһини илиитин тириитэ тоҕо барыар дылы ытарчы тардыы!
   Уонна (хапсаҕайга курдук) сэрэбиэй (ким кими кытта киирсэрэ) олус элбэҕи быһаарар.

   Холобура Артем Дьяконов, Шологонов, Друзьянов арыый атын сэрэбиэй эбитэ буоллар, лаппа үөһээ буолуохтар этэ дии саныыбын. Сдвижков эмиэ.

   Онон, түмүгэр Үс эрэ мадьыны хааллылар быһаарсарга:
   Николай Маатаннанап (биирдэ маһын биэрбиттээх, Дмитриевы 2-1 кыайан), хоту дойду хоодуот уола Ариан Мээрин (Дыгыҥҥа бастакытын кыттар, маска барыларын 2-0 ылан иһэр), уонна «көтөр кынат» Яков Дмитриев (аҕата Дыгыҥҥа иккитэ үрүҥ көмүс мэтээл, балта уонна убайа-бырааттара эмиэ спортсменнар).

   Дьэ тыҥааһыннаах киирсилэр!, бу иннинээҕи киирсиилэргэ күүрээн буоллаҕына, Дмитриев-Мээрин!, Маатаннанап-Мээрин! диэҥҥэ олох кулгааҕым бүөлэниэр дылы, хаһыы-кыргыттар часкыйыылара, «Яков!», «Ариан!», «Коля!» диэн олох!!!

   Соһуйуом иһин, Яков Ариааны кыайда (Мээрин бастыа дии санаабытым ээ).
   Маатаннанап Мээрини ылла, оттон Яковы ааспыкка кыайбыта.
   Онон, Маатаннанап бастакы, Дмитриев иккис, Мээрин үһүс.

   Түмүк хайдаҕый диэ.
   Николай Матаннанов 11 очкоолаах Бастакы иһэр.
   Яков Дмитриев (12) иккис.
   Артем Дьяконов (13) үһүс.
   Борис Сдвижков (18) төрдүс. Байбал Друзьянов (19) бэһис.
   Ариан Мярин (20) алтыс.

   Сарсын.
   Ох саа, сүүрүү, хапсаҕай, таас илдьиитэ.

   Сүүрүүгэ «Көтөр кынат» ылыа, Николай Маатаннанап киниттэн наһаа хаалымыан наада (35 сааска киһи бытаарар буоллаҕа, атын эдэр уолаттар түргэнник сүүрэллэрэ биллэр буоллаҕа дии).

   Хапсаҕайга Маатаннанап Яковтааҕар ордук. Тааска эмиэ.

   Онон, саамай быһаарыылаах көрүҥ — Оҕунан ытыы буолара буолуо дии саныыбын, мин (Кстати, ох быраабылата быйыл уларыйбыта, икки позицияҕа билигин ыталлар, урут үс этэ).

   PS.
   Сайдыы — баран иһэр. Быйылгы «Дыгын оонньууларын» бирииһэ олох ботуччу.
   — Бастаабыкка — Квартира. Уонна эбии, өссө, 3 мөлүйүөн харчынан.
   — Иккискэ — массыына.
   — Үһүскэ — Биир мөлүйүөн, мебель ыларга сертификат.

   Урут маннык буолбатах этэ,дии? бастаабыкка — УАЗ этэ.

   Ону таһынан, көрүҥ аайы, бастаабыттарга 50-100 тыс руб премия, иккискэ 30, үһүскэ 20 тыс.
   Сылы быһа эрчиллибиккин толуйбат да буоллар, син үчүгэй, дии?

   PPS.
   Сарсын Маатаннаанабка ыалдьыахха!, Таатта бэрт уолугар!