Саха театра Манчаары испэктээкилгэ ыҥырар

САХА ТЕАТРА ТОХСУННЬУ 17 КҮНҮГЭР, КИЭҺЭ 17:00 ч. “МАНЧААРЫ” ИСПЭКТЭЭКИЛГЭ ЫҤЫРАР

Саха театрын төрүттээбит В.В. Никифоров – Күлүмнүүр 1906 сыллаахха «Манчаары түөкүн» диэн сахалыы бастакы драматическай айымньыны суруйбута. Үйэ анараа өттүгэр суруллубут драма бүгүн да бэйэтин суолтатын сүтэрбэккэ, Саха академическай театрын сыанатыгар саҥа тыыннанан көстөр.

Бастатан туран, бу судургу устуоруйа буолбатах. Баһылай Манчаары — саха норуотугар көҥүл, кырдьык уонна күүстээх санаа бэлиэтэ. Кини олоҕо — батталга бэриммэт буолуу, бэйэ быраабын уонна чиэһин көмүскээһин холобура. Күлүмнүүр бэйэтин кэмигэр бу драма нөҥүө норуот өйүн-санаатын уһугуннарар уонна кэскилгэ эрэннэрэр сыаллааҕа.

Режиссер Руслан Тараховскай туруоруутугар классическай айымньы саҥа тыыннанар. Күлүмнүүр бу драманан «Аламай күн бары дьон үрдүгэр тахсара буолуо, аан дойду бары дьонун туһугар үөскээбитэ буолуо дии саныырым» диэн тус санаатын сахатын дьонугар- сэргэтигэр тиэрдэр баҕалааҕа.

Бу туруорууну көрүү — төрүт култуурабытыгар төннүү эрэ буолбакка, бэйэбит ис турукпутун, норуот быһыытынан уратыбытын өйдөөһүн буолар. Саха театра эһигини үйэлээх классиканы бииргэ арыйарга ыҥырар

Онлайн билиэттэр: https://iframeab-pre5643.intickets.ru/event/12328668