Дьөһөгөйбүт түһүлгэтигэр дуоһуйа түмсүөххэйиҥ

Дьөһөгөй Айыыбытыгар аналлаах тэрээһиҥҥэ ыҥырабыт

Тапталлаах Сахабыт сирин бар дьоно!

Эһигини Дьөһөгөй Айыыбытыгар аналлаах «Дьөһөгөй кута — саха олоҕун күрүөтэ» диэн Алгыс сүдү күүһүнэн Дьөһөгөй Айыы тыынын ис куппутугар уһугуннаран, хомус, кырыымпа тыаһынан сүрэхпитин үөрдэн, ырыанан- тойугунан, оһуохайынан, үҥкүүнэн сүргэбитин көтөҕөн, Дьөһөгөйбүт туһатын, кыаҕын көрөн, сэһэнин истэн, кэскиллээх кэпсэтиини олохтуур киэҥ тэрээһиҥҥэ ыҥырабыт.

Буолар күнэ: кулун тутар ый 15 күнэ, баскыһыанньа.
Бириэмэтэ: 11ч.
Буолар сирэ: Дьокуускай куоракка Өксөкүлээх Өлөксөй аатынан Норуоттар доҕордоһууларын дьиэтэ, Гостинай саала, 2 этээс, уҥа хайысха.
Аадырыһа: Пояркова уул., 4.
Тэрийээччилэр: Уопсастыбаннай түмсүүлэр: «Саха эйгэтэ», «Дьөһөгөй тыына», «Кэрэ олох».

Дьөһөгөй Айыыбытыгар сүгүрүйэммит сахалыы тыыммытын бөҕөргөтөн бу күн араас хайысханан сахалыы эйгэни тэнитэр уопсастыбаннай түмсүүлэр, Айыы санаалаах үтүө дьон бары Дьөһөгөйбүт түһүлгэтигэр астына, дуоһуйа түмсүөххэйиҥ.

Киириитэ босхо.

Ким кыайан кэлбэт дьон «Дьөһөгөй тыына» хамсааһыҥҥа киириэххитин баҕарар буоллаххытына 89659938284 эрийээриҥ эбэтэр ватсапка суруйаарыҥ.

Саха санаалаах, Дьөһөгөй тыыннаах үтүө дьоммут, биллэриини киэҥник тарҕатан дьону-сэргэни сахалыы эйгэҕэ түмэн иһиэххэйиҥ диэн ыҥырабыт.

Тэрийэр бөлөх.