«Айар» дьоһуннаах кинигэлэри сүбэлиир!

Бүгүн – Сүрэх аан дойдутааҕы күнэ! Бу күҥҥэ сүрэх-тымыр ыарыыларын, кинилэр үөскүүр төрүөттэрин уонна утары охсуһуу ньымаларын туһунан нэһилиэнньэҕэ иһитиннэриини элбэтии улахан суолталаах.

Бу иитинэн, «Айар» кыһа чэгиэн туруктаах олоххо дьулуһаргытыгар көмө буолар дьоһуннаах кинигэлэри сүбэлиир!

1️. «Хирург сэһэнэ»

Саха сиригэр сүрэх-тымыр ыарыыларын хирургиятын төрүттээбит, элбэх дьону өлөр өлүүттэн өрүһүйбүт сүҥкэн үтүөлээх кардиохирург Захаров П.И. бу кинигэҕэ баай уопутуттан, араас уустук эпэрээссийэлэрин түгэннэриттэн үллэстэр. Ааҕааччыга сүрэх доруобуйатын харыстыырга сүбэ-ама биэрэр.

2️. «Чэгиэн туруктан, чэбдик буол!»

Киһи бу сиргэ олорорун тухары күннэтэ үгүс моһолу көрсөр, араас тургутууну ааһар. Сүрэх күүрүүтэ, санаа ыйыллыыта — ону кэмигэр аһарыммат буоллахха, доруобуйаҕар сүҥкэн охсуулаах буолуон сөп. Ол иһин, ыгыллыбыккын, аймаммыккын кэмигэр таһаарына үөрэммит эрэ киһи уһуннук, дьоллоохтук олоруон, хас тахсар саҥа күнү үөрэ-көтө көрсүөн син! Доруобуйаҕыҥ эрдэтиэн көрүнэргэр, бөҕүргэтэргэр туһалаах кинигэ.

3️. «Саха сирин эмтээх үүнээйилэрэ»

Ааптар өр сылларга эмтээх үүнээйилэри үөрэтэн, үүннэрэн, норуот медицинатыгар киэҥник туттуллар Саха сиригэр үүнэр уонна үүннэриллэр 51 эмтээх үүнээйи туһунан суруйар.  Хас биирдии үүнээйи кылгас морфологията, ону сэргэ үүнээйини хомуйуу, куурдуу, харайыы көрүҥнэрэ, эмтээх препараттары оҥоруу сүрүн ньымалара, кээмэйдэрэ, ханнык ыарыыларга туһаныллара сиһилии кэпсэнэр. Төрүт эмтээһин күүһүн билиҥ!

Доруобуйаҕытын харыстааҥ, чэгиэн-чэбдик буллуҥ!

Праздничные боксы от издательства «Айар»

Реклама. АО НИК “АЙАР”, ИНН 1435328670

erid:2VtzqvZgVWV