«Кыстык кыната» аһымал кэнсиэркэ ыҥырыы

Кэнсиэр б.дь. алтынньы 7 күнүгэр киэһэ 19.00 ч. А.Е. Кулаковскай — Өксөкүлээх Өлөксөй аатынан Норуоттар доҕордоһууларын дьиэтигэр ыытыллар (Дьокуускай к.).

Быйыл сайын Өймөкөөн улууһугар улахан алдьатыылаах халаан уута кэлэн ааста. Сахабыт сирин кылгас сайына номнуо бүтэн, кыстык бу тирээн кэллэ. Онон айылҕа алдьархайыттан эмсэҕэлээбит дьоммутугар-сэргэбитигэр хаһаайыстыбаларын, дьиэлэрин-уоттарын чөлүгэр түһэринэргэ көмө хаһааҥҥытааҕар да наадата тирээтэ: сүөһү-ас күрүөҕэ-хаһааҕа, хотоҥҥо наадыйар.

Аһымал кэнсиэртэн киирбит үп Өймөкөөн оройуонун социальнай-экономическай сайдыытын пуондатыгар түмүллүөҕэ. Пуонда киирбит үбү-харчыны бар дьонугар отчуоттуу олоруоҕа.

Бу хамсааһыҥҥа Эн кылаатыҥ хоту дойду дьонугар сарсыҥҥыга эрэли бэлэхтиэҕэ, иннилэрин диэри хардыылыырга тирэх буолуоҕа!

Билиэт атыыта:

«Обеды для Победы»: Варенье из голубики и брусники – из Нерюнгри на СВО