Виктория Варламова-Контоева СВО-5а геройдуу охтубут күндүтүк саныыр күтүөтүн туһунан – II

Күтүөппүт Вася кылгас олоҕуттан истиҥ ахтыылар✍?

Бороҕон кэннэ аны Хабаровскайдаатым?✈2 чааһа

Бороҕоммут уола аны кыыска Хабаровскайга тиийбит, байыаннай чааска үлэҕэ киирбит үсү диэн сурах кэллэ. Ону да5аны бүтэһигинэн иһиттибит?Чэ, бу дьон сыһыаннара ырааппыт уонна мээнэ буолбатах, таптал эбит диэн өйдөөтүбүт❤??‍♀

О5обун кытта телефоннастым, бу сырыыга мөхпөтүм. Бииргэ сылдьыҥ, ол эрээри ыал буоларга, оҕолонорго ыксаамаҥ, үөрэх, үөрэх уонна өссө төгүл үөрэх нотация син биир баара.

Арай биирдэ устудьуон кыыспыт күүскэ температуралаан балыыһаҕа киирдэ. Оҕом ыалдьыбытын истэн сүрэҕим толугуруу мөҕүстэ. Түргэн быһаарыныылаах киһи ыллым да Хабаровскай диэки көтөн күпсүтэ турдум?✈

О5обор спортивнай улахан суумка муҥунан астаахпын, тиэрмэскэ ип-итии мииннээхпин. Үлэбиттэн кэлээт түүн көтүөхпэр диэри туура тэбинэн туран Хабаровскайга илдьэр аспын астаабытым. Бэрэски, алаадьы, кэтилиэт, ыһаарыламмыт собо, Хатас хортуоппуйа, муорус. Казармаҕа олорор саллаат Васяҕа улахан пакекка бу астан өлүүлээн туспа кэһии бэлэмнээтим.

Постпредство5а билэр дьонноох буолан Хабаровскай аэропордугар көрүһүннэрдим. О5ом миигин көрөн наһаа үөрдэ. Тута термоспын арыйа баттаат итии миининэн аһатан бардым. Ол кэннэ бырааска киирдим. Быраас Дьокуускайтан көтөн кэлбиппин истэн соһуйда ахан.

Бу кэмҥэ кэргэним Владивостоктан массыынанан Дьокуускадаан иһэн Хабаровскайга миигин ылардыы таарыйыахтаах, балыыһаҕа кэллим диэн телефоннаата. «И папа здеесь???» диэн бырааспыт сүүнэ улаханнык көрдө.

Эдэр о5о, омук кыыһа диэн үрдүнэн-аннынан эмтии сылдьыбыт буоллаҕына, биһигини кытта көрсүһэн баран, быраас Нарыйаҕа сыһыана чыҥха уларыйбыт, тус хонтуруолугар ылбыт. Наһаа да кыһамньылаах төрөппүттэрдээх эбиккин диэбит. Онно эбии эчи эдэрдэрин, эчи кыраһыабайдарын диэн кэмпилимиэннээх үсү, бэйи тохтооҥ?

Нарыйа Васятыгар дьонум кэлэллэр диэн эрдэ биллэрбит. Онон уолбут кэлэрин күүтэн бастакы этээскэ олордубут. Сотору буолаат долгуйбут көрүҥнээх уһун синньигэс бааһынай уол балыыһаҕа сэмэйдик үмүрүччү үктээн киирэн кэллэ. Байыаннай формалаах, уһун саппыкылаах☺️

Хата, балыыһаҕа кыра кафе оҕото баар эбит. Онно чэйдээтибит, киһилии билистибит?Мин кэһиибин биэрбиппэр Вася наһаа соһуйда уонна үөрдэ.

Биһиги айан дьоно ыксыыбыт. Барыах иннинэ хаартыскаҕа түһүөххэ диэн буолла. Кыыспыт косметикам суох диэн аккаастанна. Онон Васяны кытта кэргэмминээн үһүөн түстүбүт. Ол хаартысканы уол ийэтигэр ыыппыт. Киниэхэ кыыһын дьонун кытта бастакы көрсүһүү долгутуулаах событие буоллаҕа дии. Ол эрээри кимнээ5и кытта түспүтүн суруйбатах, сэрэйиэ диэхтээбитэ буолуо. Ону ийэтэ табаарыстарын кытта хаартыска5а түһэн баран алҕас ыыппыт диэн эпиэттээбэтэх. Уол онно хомойооһуннаах?Ол хаартысканы уол эдьийиттэн булан таһаадым.

Вася кыыспытыттан 7 сыл а5а. Биһиги эрдэ ыал буолбут дьон о5обут улахан, бэйэбит эдэрбит, уолтан 11 сыл эрэ аҕабыт. Ол иһин табаарыстар курдук көстө сырыттахпыт дии.

Астаан аҕалбыт аспар эбии тоҥ эт соһуулаах этим. Онтубун оҕобут общагатыгар тиийэн морозилкаҕа толору симээт, кэргэмминээн массыынабытынан Дьокуускайбыт диэки гаастыы турдубут??

Айаннаан истэхпитинэ Вася миэхэ смс ыытта. «Виктория Геннадьевна, спасибо большое за гостинцы. Все было очень вкусно» диэхтээбит этэ. Байыаннай чааһыгар тиийээт, сахалыы аһылыгын ахтыбыт киһи уолаттарын кытта үөрэ-көтө сиэн кэбистэхтэрэ дии☺️

Стастыын Васяны үчүгэй уол эбит, ыал да буолабыт диэн турдахтарына туорайдаспат инибит диэн буоллубут. Массыынабытыгар олордубут да ханна ба5ар тиийэр дьон Хабаровскайтан Дьокуускайга диэри уһуну киһилээбэтибит, икки күнүнэн дьиэбит иннигэр хорус гына түстүбүт ???✊?

Хаартыска5а:

1. Вася аан бастакытын биһиэхэ ыалдьыттыы кэлбит күннэрэ. 2016 сылы бары бииргэ наһаа үчүгэйдик көрсүбүппүт?

2. Вася Нарыйа «Мисс Якутия — Хабаровск» диэн кэрэ кыргыттар конкурстарыгар кыттарыгар ис сүрэҕиттэн ыалдьа турар☺️