Виктория Варламова-Контоева СВО-5а геройдуу охтубут күндүтүк саныыр күтүөтүн туһунан

СВО-5а геройдуу охтубут күндүтүк саныыр күтүөппүт Василий Данилов туһунан сахалыы тылынан тэттик ахтыылары суруйбуппун дьон олус сөбүлээтэ. Онон манна эмиэ таһаарыым.

Васябытын кытта дьонтон атыннык билсэн турабыт?1 чааьа

Улахан кыыспыт уолламмытын туһунан биһиэхэ аһаҕастык кэпсээбэтэҕин да иһин мин сэрэйбитим. Киэргэнэр, диеталыыр, барар-кэлэр, хоһугар бэлэх мал көстүтэлиир буолбута. Мин кыыс эрдэ кэргэн тахсыа, идэтэ суох хаалыа диэн уолланыыны биһирээбэппин.

Саҥа дьыл өрөбүллэригэр Нарыйа эбэм аахха Хатаска хас да күн буола бардым диэбитигэр үөрүүнү кытта ыыттыбыт. Сарсыныгар хотуммун кытта телефоннастыбыт. Арай кыыспыт кинилэргэ олох да суох буолан биэрдэ?

Мин дэлби кыыһырдым. Көр, оҕолору курдук албыннаабыт, тугу да эппэтэх. Уопсайынан, оччолорго ийэ быһыытынан ирдэбиллээх, кытаанах со5ус этим диэххэ сөп. Оннук соччото суох эбит диэн кэлин өйдөөбүтүм.

Аны туох уолун билбэппит. Уонна олорор кэммит да5аны дьалхааннаах буолла5а.

Киэһэ 10 чаас буолла. Кыыс телефона арахсан турар. Социальнай ситимэ биһиэхэ аны көстүбэт. Мин ыксаан бардым. Аҕабытыгар кэпсээтим. Сэрэйбитим курдук, сөбүлээбэтэ.

Бу олорон идея кэллэ. Соц ситимҥэ Нарыйаҕа саамай чугас дьүөгэм уола подпискалаах буолуохтаах. Кыра саастарыттан бииргэ улааппыт дьон буоллахтара. Сережам кыыс страницатын уһаты-туора хаста уонна уола Данилов Вася диэн эбит диэтэ. Уус-Алдаҥҥа сылдьаллар бысылаах диэтэ. Мин баттаҕым туран кэллэ?

Кэргэним Бороҕоҥҥо билэр киһитигэр эрийдэ. Данилов Вася диэн уолу билэҕин дуо диэн силиэстийэ кытаана5а. Аннарааҥҥыта чочумча толкуйдуу түһэн баран билэр эбиппин, маа5ыын кэнсиэргэ ма5ан шубалаах уһун кыыһы кытта сылдьара диэтэ. Дьэ, ол биһиги кыыспыт диэтибит даҕаны дьиэ иһинээҕи силиэдэбэтэллэр массыынабыт үрдүгэр түстүбүт да түүннэри Бороҕон диэки гаастаан кэбистибит???

Таһырдьа тымныы бөҕө, туман күүдэпчилэнэн олорор. Ол баран иһэн этиһэбит. Эн көрбөтөххүн, эн сатаан ииппэтэххин бөҕөбүт??

Бороҕону түүн ортото буллубут. Тута кулуубу көрдөөтүбүт, дискотекаттан булуохпут дии санаабыппыт. Пахай, үҥкүү былыр үйэҕэ бүппүт. Даниловтар диэн ыал ханна олороллорун хантан билиэхпитий. Дьонтон ыйытыаҕы тыбыс-тымныы түүн ким таһырдьа дьаарбайа сылдьыаҕай? Бээрэ хайдах гыныах баҕайыный диэн толкуйга түстүбүт. Ээ, полициялартан ыйытыахха, дьуһуурунай диэн баар ини диэн мин саҥа аллайдым. Полиция дьиэтин хабыс хараҥаҕа син өр көрдөөн буллубут.

Дьуһуурунайдар барахсаттар бырааһынньыктарга баһаалыста туох да быһылаан тахсыбатар ханнык диэн үҥэн-сүктэн баран чэй иһэн эрэллэр эбит?

Ол олордохторуна биһиги куораттан кэллибит, кыыспытын көрдүү сылдьабыт диэн көтөн түһэн сүрэхтэрин хайыттахпыт дии. Кыһалҕатын оҥорон Боро5оҥҥо Василий Данилов диэн ааттаах балачча элбэх эбит. «Кини буолуо дуо, ээ ол кыдьаҕас киһи, олор бырааттара эбитэ дуу, эс, ол киһи армияҕа барбыта» диэн олохтоох учаастакка күүстээх таайбараҥ буолла. Ол кэннэ массыынабытыгар биримээнэ түөрт полицейскайы тобус-толору олордон баран түүннэри Даниловтар диэн араспаанньалаах ыаллары кэрийдибит? Саатар ол түүн отделение5а баар полиция бары барыста5а үһү. Кыра массыына кэннигэр бары хайдах баппыттара эбитэ буолла? Көтөхсөн олорбуттара эбитэ дуу диэхпэр диэри. Бу санаатахха күлүүлээх баҕайы эбит. Түүннэри утуйа сытар ыалга тоҥсуур диэн наһаа ынырык дии санаабаккыт дуо? Дьон ааны арыйбыта олбуор толору полиция. Вася диэн уоллааххыт дуо диэннээхпит?

Үһүс дьиэбитигэр дьоммутун булан ыллыбыт. Уоллаах кыыс дэлби соһуйбуттар, куттаммыттар. Мин иккиэннэрин мөҕүү-этии бөҕө буола турдахпына полицияларбыт баран хаалбыттар этэ?

Кыыспытын куоракка илдьэ кэллэхпит дии. Бу түбэлтэни оҕолор кэлин ыал буолбуттарын кэннэ саныы-саныы күлэр буоларбыт.

Вася Нарыйаҕа мааман наһаа строгай бысылаах диэн күтүөттүү кэлэригэр толлорун эппит. Кэлин билсэн баран «мааман оруобуна бэйэн курдук кэпсээнннээх, бэһиэлэй баҕайы эбит дии» диэн сырдык бэйэтэ өссө сырдаан олорон эппиттээх үсү☺️

Салгыытын таһаарыаҕым

Если вы увидели интересное событие, присылайте фото и видео на наш Whatsapp
+7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору. Спасибо!
Система Orphus
Наверх