Уолбутун Олимп чыпчаалын дабайыыга алҕаатыбыт

Уолбутун Виктор Рассадины успуорт үрдүк чыпчаалыгар айанын алгыстаан атаардыбыт.

👏🌞Бүгүн, Орто Халымаҕа үөрүүлээх, долгутуулаах, бэлиэ күн тосхойдо.

🤼‍♂️Биһиги биир дойдулаахпытын, Аар саарга аатырбыт спортсмен уолбутун Виктор Рассадины успуорт үрдүк чыпчаалыгар айанын алгыстаан атаардыбыт.

💪🏼Уолбут норуотуттан, айылҕатыттан, төрөөбүт дойдутун салгыныттан, аҕам саастаах дьонуттан алгыс ылан, күүс-уох, сэниэ эбинэн, улахан көбүөргэ бэлэм буоллум диэтэ, итиэннэ эрэдээксийэбит сэргэх ыалдьытынан буолла.