Айарга Розалия Бравина саҥа кинигэтэ таҕыста

«Сөҕүмэр дьиктини булаары

Айаным аартыга арыллар,

Өбүгэм кистэлэҥ таайыыта

Элэҥниир аттыбар, ситтэрбэт.

Устуорйуа билимин дуоктора, бэрэпиэссэр Розалия Бравина 1974 сылтан саҕалаан археологическай, этнографическай экспедицияларга үлэтин, бииргэ алтыспыт доҕотторун, ыраах түөлбэлээн олорор сахалар уонна олохтоох норуоттар төрдүлэрин-уустарын, олохторун-дьаһахтарын, итэҕэллэрин туһунан кэрэхсэбиллээх суруйууларын кинигэҕэ тиһэн таһаарда. «Экспедиция. Өбүгэ аартыктарын арыйан» кинигэ «Айар» бары маҕаһыыннарыгар атыыга баар.

«<…> Ытык кырдьаҕастардыын алтыһан, кинилэри көрбүт-истибит, сэһэргэспит түгэннэрбин дьылҕам ураты бэлэҕинэн ааҕабын. Кинилэр толкуйдарын-санааларын, номох буолбут олохторун туһунан ахтыы-кэпсээннэр саха болҕомтотун тардыа, эйгэлэрин кэҥэтиэ, билиилэрин хаҥатыа, баҕар, ким эмит туһаныа диэн бэчээккэ бэлэмнээтим, ону тэҥинэн ойууннар нэһилиэстибэлэрин үөрэтии, чинчийии уустуктарын сырдаттым». Ааптар Розалия Бравина

Тэттик кэрэхсэбиллээх кэпсээннэр киһи ааҕарыгар чэпчэкилэр, умсугутуулаахтар. Саха сирин түҥ былыргы устуоруйатын сэҥээрэр ааҕааччы киэҥ эйгэтигэр туһуланар.