Виктория Варламова-Контоева СВО-5а геройдуу охтубут күндүтүк саныыр күтүөтүн туһунан — VII

Күтүөппүт Вася кылгас олоҕуттан истиҥ ахтыылар 7 чааһа

Саҥа төрөөбүт кырачааммытын уонна номнуо икки оҕо ийэтэ буолбут Нарыйабытын төрүүр дьиэттэн таһаарар үөрүүлээх күммүт тиийэн кэллэ??

Вася ма5аһыынаа да маҕаһыннаа буолар. “Хайааа, Вася Хабаровскай ма5аһыыннарын көһөрөн эрэҕин дии”, — диэн уолу дьээбэлиибин?Кыыс эппитэ эбитэ дуу, уол бэйэтэ толкуйдаабыта эбитэ дуу, Вася хоһун кытта киэргэттэ. Мин кухня5а бэрэски буһаран тиритии-хорутуу буола сылдьабын.

Күнүс бары киэргэнэн массыынабытыгар олорон выписка5а бардыбыт. Роддомҥа оҕолор табаарыстара эмиэ кэлбиттэр. Сибэкки, плакат, шарик бөҕөлөр, бу маладьыастары??Бары үөрүү, долгуйуу.

Сотору буолан баран Васяны иһирдьэ ыҥырдылар. Роддом эргэ, кыараҕас уонна элбэхпит бэрт буолан, биһиги таһырдьа хааллыбыт. Ньоо, роддомтан Вася кыһыл кыыһын көтөхпүтүнэн, үөрүөҕүнэн үөрэн тахсан кэллэ. Кини кэнниттэн Нарыйа сыл аҥара буолан баран тапталлаах кэргэнин саҥа көрсөн уулаах харахтаах ааҥҥа көһүннэ. Мин оҕом ытаабытын көрөн уйадыйдым.

Массыынабытыгар толору симиллэн дьиэбитигэр айманан-сайманан кэллибит. Эдьий буолбут Дайаана уонна биһиги кырабыт Туйаарыма кыһыл оҕону көрөн соһуйуу-өмүрүү бөҕөлөр, былдьаһа-былдьаһа сирэйин өҥөйөллөр.

Вася иккис о5ото буолан син уопуттаа5а биллэр. Ол күнтэн пелёнка сууйан са5алаата, түүн оҕолорун иккиэн көрөллөр. Уол хайаан да турсар.

Нарыйа кэлин кэпсээбитэ. Арай уутун быыһынан иһиттэҕинэ, түүн Вася оҕотун көтөҕөн олорон: “Мин эйиигин биэс күн эрэ билэбин уонна тоҕо маннык күүскэ таптыыбыный?”, — диэн кыһыл кыысчаанын ымманыйа, таптыы көрө олорон сибигинэйэн саҥарара үсү. Вася сайын кыыһа Сайнаара диэн сүрэхтээбит оҕотун үс эрэ ыйыгар диэри көрүөхтээҕин ол олорон хантан билээхтиэй….

Күтүөппүт барахсан кыра кыыс төрөөбүтүнэн уоппуска кэннэ оҕолорун, кэргэнин бүтэһигин кууһан, сыллаан баран баҕарбакка гына гына балаҕан ыйыгар эргиллибэт айаныгар туруммута?