Оһуохай түмсүүтэ форуму көҕүлээтэ 

    Иһитиннэрбиппит курдук, Оһуохай күнэ биллэриллибитэн араас таһымнаах тэрээһиннэр буолан аастылар, буолаары да тураллар. 

     Ол курдук, бүгүн, Ыам ыйын 27 күнүгэр, Дьокуускай куоракка Бастакы Оһуохай Форума арылынна. Өрөспүүбүлүкэ Бырабыыталыстыбатын Актовай саалатыгар пленарнай мунньах ыытылынна. Манна 70 тахса араас делегат кыттыыны ылла. 

      Форумҥа Оһуохай түмсүү чилиэттэрэ, Аар Дархан этээччилэр, Дархан этээччилэр, үтүөлээх этээччилэр, салайааччыта Александр Джурович Данилов көхтөөх кыттыыны ыллылар. 

        Мунньаҕы Өрөспүүбүлүкэтээҕи норуот айымньытын дьиэтин дириэктэрэ Сергей Степанович Семенов иилээн — саҕалаан ыытта. 

      Киирии тылы Саха сирин культуратын уонна духуобунай сайдыытын миниистирэ Афанасий Иванович Ноев эттэ. 

       Александр Джурович Данилов — Дьулуур Хан, Оһуохай түмсүү салайааччыта: 

      — Бүгүн биһиги Оһуохайбыт сайдыытын тула кэпсэттибит, кини кэскилин, инники өттүгэр туох былаан баарын биллэрдибит, этиилэри иһиттибит. Оһуохай тыла, үҥкүүтэ, дьиэрэтиитэ барыта биир сомоҕо буолар, ону биһиги ылыныахтаахпыт уонна билиниэхтээхпит. 

       Оһуохайбыт сайыннаҕына, биһиги сахалар омук быһыытынан ураты тыыннанабыт уонна духуобунай өттүнэн сайдыылаах буолабыт! ДООМ!