Оһуохай түмсүү Ыһыахха ыҥырар!

От ыйын 14 күнүгэр Дьокуускай куорат сынньалаҥ  пааркатыгар, Оһуохай Аллеятыгар сылын аайы ыытыллар, күүтүүлээх Оһуохай ыһыаҕар ыҥырабыт!

    Буолар бириэмэтэ: күнүс 2 чаастан.

      Александр Джурович Данилов — Дьулуур Хан, Оһуохай түмсүү салайааччыта:

      — Бука бары бар дьоммутун сайын кэлбитининэн, күөх окко үктэммит кэммит салаллыбытынан үгэс быһыытынан сылын аайы ыытыллар биһиги түмсүүбүт тэрийэр Оһуохай ыһыаҕар ыалдьыт буоларгытыгар ыҥырабыт!    

     Алгыс,эҕэрдэ тыллара этиллиэхтэрэ, сыл түмүгүнэн бастыҥнары наҕараадалааһын,быйылгы сыл Дархан уонна үтүөлээх этээччилэригэр дастабырыанньалары, анал бэлиэлэри  туттарыы сиэрэ — туома ааһыаҕа, кимнээх үрдүк аакка тиксибиттэрин бу эрэ күн билиэхпит!

     Ыытааччылар — Оһуохай түмсүү старостата Ирина Васильевна Абрамова уонна Саха сирин Дархан этээччитэ Марта Тимофеевна Николаева. Алгысчыт — Семён Петрович Алексеев, Нам улууһа, Саха сирин үтүөлээх этээччитэ. Бастакы Ытык Оһуохайы таһаарыаҕа — Саха сирин Дархан этээччитэ Валентин Васильевич Хорунов — Дьэргэлгэн.

      Ону тэҥэ биллиилээх ырыаһыттар эҕэрдэлэрэ, Оһуохай, көр-нар тохтоло суох ыытыллыаҕа. Сахалыы астаах буфет үлэлиэҕэ.

     Барыгытын үөрэ — көтө кэтэһэбит! Дом!

       Александр Джурович Данилов — Дьулуур Хан