Кырдьык кыайда — буруйдаах хаайылынна

Былырыын саас бары билэр, ытыктыыр киһибитин Анатолий Чомчоевы быһаҕынан анньыбыт Дмитрий Ермолов диэн ыччат дьыалата, сылтан ордук силиэстийэҕэ сылдьан баран, бэс ыйын 14 күнүттэн саҕалаан суукка көрүллэн, кэмниэ-кэнэҕэс түмүктэннэ. Буруйданааччы элбэх албакааты наймылаһан, ол-бу албаһы туһанан, буруйтан босхолоно, дьыаланы араастаан токурута сатаата да, кыайбата.

Атырдьах ыйын 16 күнүгэр Дьокуускай суута Дмитрий Ермоловы Холуобунай кодекс «Бирэдимиэти өлөрөр сэп быһыытынан туһанан киһи доруобуйатыгар ыар эчэйиини оҥоруу» диэн 111 ыстатыйатын 2-с чааһын З пуунунан уопсай режимнээх холуонньаҕа 3 сылга ыытарга уураахтаата. Кинини суут саалатыттан тутан илдьэ бардылар.

Суут кэннэ Анатолий Игнатьевич чугас дьонун, албакаатын, туоһуларын кытта кэпсэтиигэ олоҕуран оҥоһуллубут матырыйаалы «Кыым» хаһыат атырдьах ыйын 17 күнүнээҕи нүөмэригэр ааҕыҥ.

t.me/kyymsakha