Тойбохойдор экология ааксыйатын тэрийэн, 31 киилэттэн тахса батарейканы хомуйдулар

Батарея туттуллан баран мээнэ быраҕылыннаҕына, хас да сылы супту буортулаах веществолары таһааран айылҕаҕа, киһиэхэ хорумньуну оҥоро сытар. Онон Дьокуускай куораттан саҕалаан, аны улуустарга бөҕү, ол иһигэр батарейкалары, туспа хомуйуу баран эрэр.

Г.Е.Бессонов аатынан Тойбохой орто оскуолатыгар улууcтааҕы Доруобуйа уонна экология сылыгар аналлаах »Сдай батарейку — сохрани природу» диэн экологическай ааксыйа тэрилиннэ. Бу тэрээһиҥҥэ 1-11 кылаас үөрэнээччилэрэ, төрөппүттэр, нэһилиэк олохтоохторо көхтөөхтүк кытыннылар.
Барыта холбоон 31 киилэ 250 гр. батарейка хомулунна.
Оскуола үрдүнэн саамай элбэх, 5 кг 300 гр, батареяны 4 »а» кылаас үөрэнээччилэрэ (учуутал Ж.Н.Иннокентьева) туттаран,  ааксыйа кыайыылаахтарынан таҕыстылар.    8 кылаас (А.М Егорова)  3 кг 500 гр,    5 »а»  (Т.Е. Иванова) 3 кг 300 гр. хомуйан,  иккис-үһүс миэстэ буоллулар.
Бу ааксыйа чэрчитинэн »Саҥа көлүөнэ» оҕо общественнай тэрилтэтин активистара алын кылаас оҕолоругар »Батарейка киһиэхэ уонна айылҕаҕа буортута» диэн тиэмэлээх өйдөтүү, быһаарыы үлэтин ыыттылар.
Хомуллубут батареяны Сунтаар улууһун экология инспекциятыгар туттарабыт.
Ити курдук, Тойбохойбут салгына ыраас буоларын туһугар биир үтүө дьыала оҥоһулунна.

Если вы увидели интересное событие, присылайте фото и видео на наш
Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору. Спасибо!
Система Orphus
Наверх