Сир шарын эргийбиттэрэ

Сүүрбэччэ сыллааҕыта үһүө буоламмыт Анкоридж куоракка  (Аляска, АХШ) тиийэн икки ый устата “Управление малым бизнесом” диэн курска үөрэмиппит. Ол саҕана онно «Хотугу форум» хотуна А.Н. Божедонова баара.

Арай биирдэ Анастасия Николаевна эттэ: “ Саха сириттэн Автоледи диэн общественнай хамсааһын тэрийээччилэрэ массыынанан Аан дойдуну эргийэ айаннаан иһэллэр. Көрсүөххэ наада” диэтэ. Аҕыйах хонугунан “Автоледилэр” кэлбиттэр диэни истээт, түспүт гостиницаларыгар ойон тиийдибит. Тиийбиппит Наташа Румянцева, Лена Баишева, Оксана Новгородова, Анна Васильева, переводчик Надя (араспаанньатын умнубуппун) уонна мин биир дойдулааҕым Суоттуттан Вера Абрамова (Татаринова) кэлбиттэр эбит. Уөрүү-көтүү, сонуммутун үллэстии бөҕө буоллубут, остуол тардынаммыт сахалыы үүттээх чээй истибит. Ол олорон, “сир көхсө кыараҕас да эбит, Суоттулар Эмиэрикэгэ кэлэн көрсор эбиппит” диэн дэлби күлүстүбүт. Олунньу саната этэ. Ол дьыл Сахабыт сиригэр томороон тымныылар тураллара. Кыргыттарбыт хайдах Сахабыт сирин хоту оттун барытын сыыйан, Чукотканы унуордаан, араас моьоллору ааьан Аляскага кэлбиттэрин истэн улаханнык салынныбыт, баьырхай былааннарыттан сохтубут.

Сарсыҥҥытыгар Анкоридж куорат мэрин приемугар сылдьан баран, кыргыттарбыт күтүр улахан “Додж” массыыналарыгар олорон, Саха сирин былаагын куорэччи анньынан айаннарын салҕаабыттара, онтон биһиги бу саха хорсун кыргыттарын алҕыы хаалбыппыт!

Ранее было опубликовано Тимир көлөнү доҕор оҥостубут дьонно оннук кэмнэр кэлэн ааспыттара

Оксана Новгородова рассказала, на что она променяла свою третью кругосветку