Салгын куппутун үрдэтиэхпит, Буор куппутун бигэтик олордуохпут…

Айыыһыт ыйыгар аналлаах тэрээһин

Күндү дьоммут — сэргэбит!

Эһигини муус устар ый 19 күнүгэр 14 ч. суббуота күн Айыыһыт ыйыгар аналлаах «Төрүүр — ууһуур олох айыыта, Айыыһыт Ийэ Хотун, бэттэх көрөн мичик гын!» диэн тэрээһиҥҥэ ыҥырабыт.

Бу күн «Дьэргэлгэн түһэрии. Айыыһыты сыһыарыы» туомун «Кут-Сүр» кыһа туом Бахсыта Ирина Егоровна Лукина — Уйусхаана оҥоруоҕа.

 Айыыһыт Ийэ Хотуҥҥа сүгүрүйэммит Айыыһыппыт алгыһын сүдү күүһүнэн, Айыыһыппыт анал туомнарынан, Айыыһыппыт дириҥ билиитин үөрэҕинэн Айыылартан кэлбит Ийэ куппутун ис кыаҕын арыйыахпыт, сүргэбитин көтөҕөр Салгын куппутун үрдэтэн биэриэхпит, Буор куппутун бу сиргэ бигэтик олордуохпут, алаһа дьиэбит холумтанын араҥаччылыахпыт, харысхаллаах сыһыаҥҥа киириэхпит.

Буолар сирэ: Дьокуускай куоракка Өксөкүлээх Өлөксөй аатынан Норуоттар доҕордоһууларын дьиэтэ, Гостинай саала, 2 этээс, уҥа хайысха. Аадырыһа: Пояркова, 4.

Барыгытын дьиэ-кэргэҥҥитин, дьоҥҥутун кытта тэҥҥэ кэлэргитин күүтэбит.

Киириитэ босхо.