Историческай наука дуоктарын Розалия Бравиналыын сэһэргэһии

« “Айардыын” сарсыардааҥҥы чэй» бырайыакпыт ыҥыырыылаах ааптарынан историческай наука дуоктара Розалия Бравина буолла. Сарсыардааҥҥы чэй «Тото-Хана» эрэстэрээҥҥэ үгүс киһини түмтэ.

Розалия Иннокентьевна биһиги кыһабыт эрэллээх доҕоро, биир бастыҥ бырайыактар ааптардара буолар. Аҥаардас бу сыл үс кинигэтэ таҕыста, ол курдук «Түүл сахалыы тылдьыта», «Алгыстаах туомнар» уонна «Экспедиция: өбүгэ аартыгын арыйан».

Олус сэргэх, кэрэхсэбиллээх сэһэргэһии түһүлгэтэ төрүттэннэ, араас экспедициялартан көрдөөх түгэннэр кэпсэннилэр. Розалия Иннокентьевнаны кытта көрсүһүүгэ кини үөрэнээччилэрэ, кэллиэгэлэрэ, Амма оройуонун култууратын бырабылыанньатыттан уонна устудьуон оҕолор бэйэлэрэ сэргээн кэлбиттэрэ үөртэ. Биир кыыс экспедицияҕа барсыахпын баҕарабын диэн санаатын эттэ.