Фото: Лөкөчөөн кубата

Бүлүү улууһун Лөкөчөөнүгэр нэһилиэк ортотугар соҕотох куба баарын туһунан бу күннэргэ элбэхтик суруйдулар. Соҕуруу көппөккө хаалбыт айылҕа маанылаах кыылын дьылҕата хайдах буолуой?

Бүлүүтээҕи айылҕа харыстабылын инспекциятыттан Андрей Яковлев кэпсээтэ:

Бу куба тоҕо хаалбыта өйдөммөт. Остуоруйа кубатын курдук дьоҥҥо хараттараары, эбэтэр көмө көрдөөрү хаалбыт буолуон да сөп. Лебедь шипун диэн.

Биологическай ресурсалар департаменнара бу кубаны билэн олорор. Орто Дойду паркатын кытта кэпсэппитэ. Парка кубаны иитэ ыларга сөбүлэстэ. Куба мантан салгыы хааллаҕына, тутан Орто Дойду паркаҕа илдьии үлэтэ тэриллиэҕэ.

Бу хаартыскалар автордара Бүлүү олохтооҕо Семен Данилов. Кини бу курдук айылҕаны түһэрэр хоббилаах.