«АЙАРтан» атыылаһар судургу эбит!
![](https://sakhalife.ru/wp-content/uploads/2024/08/96778519-180a-4b66-bf3f-56eeef06e765-513x513.jpg)
«Мин аатым Дьөгүөр. Аммаҕа олоробун. Кинигэ ааҕыытын туһунан кылгас санаабын, кимиэхэ эмэ туһалаах буолуо диэн үллэстэбин.
Эдэр эрдэххэ үлэ үөһүгэр буолан, кинигэ ааҕарга бириэмэ хаалбат курдуга. Оо, билигин кэмигэр үчүгэй кинигэлэри аахпатахпыттан, мунньунан испэтэхпиттэн олус да кэмсинэбин. Бочуоттаах сынньалаҥҥа тахсыахпыттан, син налыйан, арай өйдөөн көрбүтүм, дьиэтээҕи бибилэтиэкэбит олох дьадайбыт эбит. Уонна дьэ оҕолорбут аахпаттар, сахалыы билбэттэр да диэн… Харахтарын далыгар кинигэ суоҕун кэнниттэн аахпаттара биллэр.
Дьэ өй ылан, саатар сайыҥҥы сынньалаҥҥа сиэннэр кэлэн кинигэ аахтыннар, дьарыктанныннар диэн, кинигэ хомуйан саҕалаатым. Кырдьаҕас дьон куоракка киирэрбит аҕыйах, куруутун оҕолорбутун көрдөһөбүт, куораттан кэлэр массыына көрдүүбүт. Тустаахха эрэйдээх. Аны саҥа кинигэ таҕыста да, тиксэ охсоору ол эккирэтиитэ, ымсыырыыта.
Онтон кыыһым «Айар» кыһа интэриниэт маҕаһыынын нөҥүө сакаастыахха сөбүн этэн, бэйэм төлөпүөммүттэн судургутук сакаастыы үөрэнэммин абыранным. Сайт аата ayar.ru диэн. Олус судургу. Арассыыйа Почтатын нөҥүө ыыталлар эбит. Аны бу сайыҥҥыттан бары кинигэҕэ 10 % чэпчэтии оҥорбуттара уонна нэдиэлэ ахсын тиэмэнэн көрөн эбии чэпчэтии оҥороллор. Холобура, Розалия Бравина бу сайын сабыс-саҥа тахсыбыт «Саха төрүт олоҕо» диэн кинигэтин 23 % чэпчэтиилээх сакаастаатым. Оҕолорум, сиэннэрим ааҕыахтара буоллаҕа, баҕар, билигин да буолбатын, кэлин син биир кэрэхсиэхтэрэ. Сүрүнэ – кэмигэр ыллаҕым. Дьиэтээҕи бибилэтиэкэм, долбуурдарым туоланнар, дууһам чэпчээн сылдьар. Кинигэни ааҕыҥ, доҕоттоор!»
Амматтан «Айар» эрэллээх ааҕааччыта
+7 (999) 174-67-82
![Система Orphus](https://sakhalife.ru/wp-content/themes/sakhalife/img/orphus.gif)