«Ырыа аартыга» аллея арыллыытыгар ыҥырабыт

Күндү Сахабыт сирин, Дьокуускай куорат олохтоохторо, ыалдьыттар, балаҕан ыйын 27 күнүгэр күнүс 15 чаастан Кулаковскай  аатынан Норуоттар доҕордоһууларын дьиэтин скверигэр «Ырыа аартыга» аллея үөрүүлээх арыллыыта буолар.

Манна Саха сиригэр киэҥник биллибит, төһө да кэм аастар  уостан түспэт ырыалардаах мелодистарбыт, норуот өйүгэр-санаатыгар, сүрэҕэр дириҥник иҥэ сылдьар норуоппут тапталлаах, ахтылҕаннаах ырыаһыттарыгар:  Марина Поповаҕа, Христофор Максимовка, Валерий Ноевка, Ольга Ивановаҕа-Сидоркевичка, Анастасия Варламоваҕа, Марфа Колесоваҕа-Расторгуеваҕа, Виталий Андросовка, Раиса Захароваҕа  анаммыт, сырдык ааттара үйэлээхтик суруллубут ыскамыайкалары туруоран, ырыаһыттар чугас дьонноро, аймахтара, ыччаттар, оҕолор, кинилэр талааннарыгар сүгүрүйээччилэрэ кэлэн сынньанар, араас үтүө түгэннэри санаан-ахтан ааһар кэрэ-бэлиэ сирдэринэн буолуоҕа.

Манна сылдьан, ырыа кэскиллээх аартыгынан айанныахтарын баҕарар эдэр ырыаһыттар, үйэттэн үйэҕэ иһиллэ турар ырыалардаах чулуу дьоммут, кистэлэҥ күүстэринэн угуттанан, алыптаах алгыстарынан кынаттанан, кинилэр сүдү талааннарын салҕааччыларынан буолуохтарыгар эрэнэбит.

Кэлиҥ, сылдьыҥ Дьокуускайбыт сыллааҕы биир бэлиэ күнүн туоһуларынан буолуҥ!

Если вы увидели интересное событие, присылайте фото и видео на наш
Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору. Спасибо!
Система Orphus
Наверх