Ытыктабыллаах Саха сирин олохтоохторо!

Саха Өрөспүүбүлүкэтин Ил Түмэнэ эһигини дойдубут биир сүрүн бырааһынньыгынан — Норуот сомоҕолоһуутун күнүнэн эҕэрдэлиир!

Сэтинньи 4 күнэ — Россия хас биирдии олохтооҕор историябыт үйэлээх үгэстэрин, норуоппут биир сомоҕо күүһүн кэрэһилиир бэлиэ күн. Дойдубут туһугар бэриниилээх буолуу, эйэҕэс сыһыан, баай култуура – бу барыта судаарыстыба сайдарыгар сүрүн тирэҕинэн буолаллар.

Көлүөнэттэн көлүөнэҕэ бэриллэн кэлбит патриотическай өйү-санааны, духуобунаспыт тулхадыйбат сыаннастарын   харыстыах тустаахпыт. Эдэр ыччат сайдыыга, билиигэ, үрдүктэн үрдүк чыпчааллары дабайарга дьулуһуохтаах.

Быйыл биһиги улахан суолталаах түгэни — Саха сирэ Россия састаабыгар киирбитэ 385 сылын бэлиэтиибит. Сахабыт сиригэр 130-тан тахса омук дьоно сомоҕолоһоммут, өрөспүүбүлүкэбит, дойдубут бигэ туруктаах буоларын туһугар үлэлии-хамсыы, айа-тута сылдьабыт, инникибитигэр эрэллээхпит.

Ытыктабыллаах Саха сирин олохтоохторо! Саха Өрөспүүбүлүкэтин Ил Түмэнэ эһиэхэ дьолу, чэгиэн доруобуйаны, үтүө туругу, эйэни, өйдөһүүнү уонна ситиһиилэри баҕарар.

Если вы увидели интересное событие, присылайте фото и видео на наш Whatsapp
+7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору. Спасибо!
Система Orphus
Наверх