Валерий Ноев аатынан ыллыыр ыскамыйа арыллыыта

Валерий Власьевич Ноев аатынан ыллыыр ыскамыйа арыллыыта

Саха сирин норуоттарын музыкатын уонна фольклорун түмэлэ Дьокуускай куорат олохтоохторун, ыалдьыттарын Муус устар 25 күнүгэр күнүс 12:30 чаастан Карл Макс скверигэр Валерий Власьевич Ноев — саха аатырбыт айылҕаттан айдарыылаах хампаһыытарын аатын үйэтитэр ыллыыр ыскамыйа үөрүүлээх арыллыытыгар ыҥырабыт.

Валерий Ноев – Мэҥэ-Хаҥалас оройуонун Бүтэйдээх нэһилиэгэр сэтинньи 20 күнүгэр күн сирин көрбүтэ. Кыра оҕо саастан музыка кэрэ алыбар ылларан бэйэтэ баяҥҥа, гармошкаҕа оонньуу үөрэммитэ. Ол курдук кини Саха сиригэр киэҥник тарҕаммыт ырыаларынан буолар: «Күөрэгэйдиин көрсүһүү», «Сардааналыын көрсүһүү», «Хатыҥчааным барахсан», «Кыракый кыысчааммар», «Быраһаай күөх сайын», «Кыыс Амма», «Кыракый уолчааным» уо.д.а.

Кини ырыаларын матыыптара, ис хоһооно бэйэтэ туспа дьон дууһатыгар киирэр ураты тыыннаах буолан бу күҥҥэ дылы биллиилээх хампаһыытарбыт ырыаларын дьон сэргии, сөҕө, махтайа, истэ сылдьаллар. Валерий Власьевич уостан түспэт ырыалара өссө даҕаны кэлэр кэнчээри ыччакка, олохтоох дьоҥҥо-сэргэҕэ, тохтоон ааһар ыалдьыкка кэрэ алыптаах муусуката иһиллэ, дуорайа турарын туһугар ыллыыр ыскамыйаҕа аныгы үйэ тэтиминэн куйаар куодтар оҥоһуллан таҕыстылар.

Добавить комментарий

Заполните все поля и подтвердите номер телефона

Подтвердить смс Подтвердить Телефон подтвержден, вы можете отправить комментарий!

Если вы увидели интересное событие, присылайте фото и видео на наш Whatsapp
+7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору. Спасибо!
Система Orphus
Наверх