Ульяна Винокурова: Кэмсинимэҥ! Куттанымаҥ! Дьону сэмэлээмэҥ!

По соцсетям и мессенджерам распространяется обращение к народу известного политика и ученого Ульяны ВИНОКУРОВОЙ.

 — Доҕоттоор! Кэмсинимэҥ! Куттанымаҥ! Дьону сэмэлээмэҥ! Билиҥҥи былааһы сэтэрээмэҥ! Быыбарга кыттыы таһыма балачча үрдүк, ааҕар комиссиялар чиэстээхтик үлэлээтилэр, онон туох да сымыйаҕа уорбалааһын суох. Быыбар дьон санаатын билэргэ туһаайыллар, ол маннык кытаран көстөн кэллэҕэ дии. Тоҕо хаҥас охтуу барда? Саха сирин дьонун кыһалҕаларын, айылҕатын, суолун-ииһин, өйүн-санаатын аахсыбат политиканы правовой ньыманан утарсыы, ону өйдөтөргө дьулуһуу чуолкайдык көһүннэ. Ол иһин саатар Саҥа дьоннор хайыыллар диэн өйүүргэ турунуу билиннэ. Ойуур баһаара дьону сомоҕолоото, мунньуллубут кыыһырбыт-хомойбут туругун быыбарга таһаарда. Ойуунускайдыы «Син биир буолбаат» диэн эр санааланыы күүһүрбүтүн көрдөрдө. Оттон үрдүкү былаастар ону өйдүүр кэмнэрэ хаһан кэлэрэ биллибэт. Өксөкүлээхтии эттэххэ, өссө биирдэ күүспүтүн түмүөхпүт турдаҕа. Норуот күүһэ-көмүөл күүһэ. Мин ханнык да партия, ким да туһугар агитациялаабатаҕым. Норуот ис кыаҕынан, баҕатынан талар хайысхатыгар эрэнэбин, итэҕэйэбин. Өлөн-сүтэн биэриэхпит суоҕа. Атаҕастатыахпыт да суоҕа ис дьоһуммутун, олохпут оҥкулун. Онон киэҥ көхсүбүт кыараабатын, уһун санаабыт кылгаабатын!??????

Если вы увидели интересное событие, присылайте фото и видео на наш Whatsapp
+7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору. Спасибо!
Система Orphus
Наверх