Улуу Айыы ойуунa төрөөбүт күнэ

Сэтинньи 17 күнүгэр Улуу Айыы ойууна В.А. КОНДAKОВ төрөөбүт күнэ. Медицинскэй уонна психологическай наукалар доктордара, профессор, саха норуотун медицинатын уһулуччулаах эмчитэ, Юнеско иһинэн биллибит гипнотерапевт, Саха өрөспүүбүлүкэтин Норуот эмчиттэрин Ассоциациятын тэрийбит, салайбыт, саха былыргы умнуллубут итэҕэлин — Аар Айыы итэҕэлин норуотугар төнүннэрбит В.А. Кондаков Бүлүү улууһун Дьөккөн нэһилиэгэр төрөөбүтэ. Саха итэҕэлин — Аар Айыы итэҕэлин үөрэтиигэ дьоһуннаах үлэлэри суруйбута. Отуттан тахса кинигэ автора. В.А. Кондаков саха норуотугар бастакы духуобунай «Аар Айыылартан көрдөһүү» поэманы, «Айыы ойууна» романы суруйбута.

Норуот эмтээһинигэр 5 улахан үлэ:

1. » Ойууннааһын эйгэтин кистэлэҥнэрэ», 1 чааһа

2. «Ойууннааһын эйгэтин кистэлэҥнэрэ» 2 чааһа 3.»Духовное целительство», 4. «Тайны сферы шаманизма»

5. » Куту- Сүрү эмтээһин»

Итэҕэлгэ 6 кинигэ: 1.Аар Айыы итэҕэлэ I чааһа.

2. Аар Айыы итэҕэлэ II чааһа.

3. Аар Айыы итэҕэлин III чааһа.

4. Аар Айыы итэҕэлин IV чааһа.

5. Аар Айыы итэҕэлэ V  чааһа.

6. Аар Айыылыы эмтээһинтэн.

Аар Айыы итэҕэлэ сокуонунан бигэргэтиллэригэр сүдү суолталаах үлэни хаалларбыта.

Айыы ойуунун  Алгыстара билиҥҥи кэмҥэ олох бары өрүттэригэр дойдуга, норуокка, дьоҥҥо-сэргэҕэ көмөтө билиннэ, бигэргэннэ.                       «Аан Дойду олоҕо атыйахтаах уулуу айманар, Орто Дойду олоҕо отохсуйар кутталлара кэллэ. Амырыын күүстэр аҥардастыы айбардыыр буоллулар. Аһыммат адьанат адаҕыйда, өлөрсүү-сүтэрсии өрөгөйдөөтө, өһөхтөөх санаа өрө күүрдэ, былдьыыр былаан былааҕа күөрэйдэ, сүтэрэр санаа сүүнэтийдэ. Сир ийэ симэһинин сиэн бүтэрэргэ дьулуһуу тууһугурда. Аар Айыыларга үҥүү-сүгүрүйүү, Алгыс күүһэ, Аар Тойон аһыныылаах санаата эрэ быыһыыр кэмэ быһыылаах. Эдэр дьон бу итэҕэлгэ кэллэххитинэ, Ийэ Айылҕаҕа чугас, үлэни-хамнаһы сатыыр, таптыыр дьон буола үүнүөххүт, чэгиэн-чэбдик, Айыылыы иитиилээх оҕолору тэнитиэххит. Ити улахан дьолгут буолуо.»

Источник: 1. «Күн сирин Айыытын ойууна», 59 стр, 54 стр Дь 2010 сыл, «Аар Айыы итэҕэлэ» иккис чааһа, 18 стр, Дь 2004 сыл.