Уйбаан Ушницкай: Сахалар аҕыйахпыт, харыстаһыҥ даа…

Суруналыыстар эйгэлэрэ бу күннэргэ ыҥырыа уйатын курдук оргуйан олорор. Дьаҥ туран эбитэ дуу, биитэр дьиэҕэ олорууттан сылайан эбитэ дуу биир идэлээхтэрбитин ким хайдах сатыырынан ырытыы, бэйэ-бэйэни хостоһуу группаларга, сайтарга, телеграмм-каналларга тохтоло суох кутулла турар. Бу маннык быһыы суруналыыстар үтүө ааттарын, биир идэлээхтэр үрдүк үлэлэрин оччо киэргэппэт диэн сыаналыыр биһиги бары ытыктыыр убайбыт, ааттаах-суоллаах суруналыыс, ыччаттары тустаах идэҕэ иитээччи-угуйааччы Уйбаан Ушницкай.- «Эдэр саас» хаьыакка студенныы сылдьан ситиһиилээхтик үлэлэспит Ньургуйаана Стручкова «Сахапечать» тэрилтэҕэ салайааччынан анаммытын истэммит бары да үөрбүппүт. Ол эрээри, сорохтор бу сонуну хомойо истибиттэрин тута биллэрдилэр. Коллективы кытта билсэ да илик киһи үрдүгэр саба түстүлэр. Итинник гынан көлүөнэлэр ситимнэрин быһаллар, утарыта туруорсууну күөттүүллэр. Саастаахтарбыт сүбэ-ама буолуохтарын баҕарабын. Хомойуох иһин эдэр специалиһы быһа этэртэн туттумматтар кытта баалларыттан соһуйдум. Айар-тутар биир идэлээхтэрбэр туһаайан этиэм этэ: «Сахалар аҕыйахпыт, суруйааччылар өссө аҕыйахпыт, харыстаһыҥ даа!»  

«Эдэр саас» хаһыат быйыл 27 сааһын туолар. Бу билигин республика суруналыыстыкатын салайыыга тахсыбыттар хаһыаты кытта хара саҕаланыаҕыттан, оскуолаҕа 9 -10 кылааска үөрэнэр, устудьуоннуур эрдэхтэриттэн алтыспыттара. Онон кинилэр дьэ саамай үлэлиир, айар-тутар кэмнэрэ кэллэ. »ЭДЭР СААС» редакцията 90- с сылларга 4-5 үлэһиттэригэр кинилэр хаһыакка суруйсан, араас ШОУ, »төгүрүк’ остуол», улуустарга ааҕааччылардыын бииргэ үлэлиир бырыйыактарыгар күүс-көмө буолан, оччотооҕу судургута суох уларыйыы кэмигэр дьон, ыччат кутун тутан, кинилэри түмэн республикабыт сайдарыгар төһүү күүс буолбута. Оччотооҕу ыччат министиэристибэтэ, атын элбэх тэрилтэлэр, норуот, ону сүрдээҕин өйөөн бииргэ үлэлиир этибит. Итинник үлэ холобурун көрө сылдьыбыт ыччаттарбыттан кыайыгас-хотугас, улэьит дьон үүммүттэриттэн уөруэх тустаахпыт. Ким да эппиэттээх үлэҕэ мээнэ сөбүлэспэт. Ньургуйаана туох эрэ эрдэттэн былааннаах буолан, ити талбыт суруналыыстыкатын идэтиттэн тэйбэккэ, өссө аныгылыы куурстарга үөрэнэн балайда бэлэмнээҕин билинэн ИЛ ДАРХАН анааһыныгар түһэн биэрбэккэ үлэлиэм диэн сөбүлэҥин биэрдэҕэ. Эрэнэбин. Ситиһиини баҕарабын. Алгыыбын!»

Если вы увидели интересное событие, присылайте фото и видео на наш Whatsapp
+7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору. Спасибо!
Система Orphus
Наверх