Уһуйаан оҕотугар ханнык кинигэлэри ылыахха?

«Айар» сүбэлиир:

«Күлчээнэ». Оҕо эрэ барыта дьэрэкээн ойууну сэҥээрэр, маннык кинигэ өйдөрүгэр ордук хатанар. Остуоруйаны тилиннэрэр ойуулардаах хордуон кинигэ оҕоҕо бастыҥ бэлэх буолуоҕа.
Лев Толстой курдук улуу суруйааччы остуоруйаларын, үгэлэрин, кэпсээннэрин «Оҕолорго» диэн кинигэттэн оҕо төрөөбүт тылынан ааҕан, истэн билиэ. «Бааһынай хаастары хайдах түҥэппитэ! эбэтэр «Филипок» айымньылары үгүс көлүөнэ ааҕааччы таптаабыта.
— Тыла сайдыбыт оҕо оскуолаҕа ситиһиилээх буоларын педагогтар бигэргэтэн тураллар. Билигин тыла ситэри сайдыбатах уһуйаан саастаах оҕо үгүстүк көстөр. Оттон «Тылчаан оонньуулара» диэн кинигэҕэ уопуттаах логопедтар уонна учууталлар оҕо уоһун, тылын былчыҥнарын дьарыктыырга, көннөрөргө, сөпкө саҥарарга көмөлөһөр эрчиллиилэри талан таҥан киллэрдилэр. Хас биирдии дьарык видео-матырыйааллаах.
«Саха оҕотун бастыҥ кинигэтэ» сиэр-туом, айыы итэҕэлин, остуоруйа, таабырын, чабырҕах, өс хоһоонун, өбүгэ оонньуутун хомуурунньуга. Бу оҕо саха олоҕун-дьаһаҕын, култууратын, үгэһин билэригэр бастыҥ көмө буолар кинигэ.
Уонна оҕо ситиһиилэрин биир сиргэ түмэргэ тоҕоостоох дьэрэкээн папка – «Уһуйаан оҕотун портфолиота». Халыҥ тастаах, бөҕө-таҕа портфолио оҕо олоҕун тухары илдьэ сылдьарыгар олус табыгастаах.
Бу таһаарыылары «Айар» бары маҕаһыыннарыттан 100-түү уонна 200-түү солкуобайга ылыаххытын сөп! Ол курдук кулун тутар 30 күнүттэн муус устар 7 күнүгэр диэри оҕо кинигэлэрин нэдиэлэтин биллэрэбит. 155 көрүҥ оҕо кинигэтэ чэпчэтиллэн 100,150,200 солкуобайга атыыланыахтара.

Акция туһунан сиһилии ayar.ru саайка билис.