«Тыгын Дархан» киинэ үксэ норуот күүһүнэн уһуллубута


Саха киинэтин историятыгар, саха уус – уран литературнай классикатын биир сүдү айымньытынан уһуллубут «Тыгын Дархан» бу дьыл, сэтинньи 4 күнүгэр Өксөкүлээх Өлөксөй аатынан норуоттар доҕордоһууларын дьиэтигэр «Россия» киинэ саалыттан саҕаланар. Онно сөп түбэһиннэрэн «Тыгын Дархан» киинэ сүрүн продюсарын Вера Михайловна Филиппованы кытта кэпсэттибит.

«Тыгын Дархан» киинэ сэтинньи 4 күнүттэн прокатка тахсар. Биһиги киинэбит премьерата Өксөкүлээх Өлөксөй аатынан норуоттар доҕордоһууларын дьиэтиттэн саҕаламмыта мээнэҕэ буолбатах эбит, үөһэттэн этитиллэн, ыйыллан кэлбит эбит, бу туран ону санаан ыллым, саха норуота күүтүүлээх киинэтэ күөх экраҥҥа тахсарыттан наһаа долгуйабыт. Устар бөлөх киинэ саҕаланыан иннинэ, үрдүк сценаҕа тахсан сүрүн геройдарбытын кытта көрөөччүлэрбитигэр, дьоммутугар – сэргэбитигэр киинэ туһунан тылбытын тириэрдиэхтээхппит. Киинэ үксэ норуот күүһүнэн уһуллубута – диэн санаатын үллэһиннэ Вера Михайловна.

Премьераҕа кэлбит көрөөччүнү туох күүтэрий?

Биһиги бу премьераҕа бэйэбит былааммытынан дьоҥҥо барытыгар көстүөхпүтүн баҕарабыт. Куорат иһигэр баар кинотеатрдары барытын хабыахпыт.
Биһиги киинэбит норуодунай буоларын быһыытынан Өксөкүлээх Өлөксөй аатынан норуоттар доҕордоһууларын дьиэтин «Россия» киинэ саалыттан саҕаланарыттан биһиги үөрэбит. Көрсүһүүгэ сүрүн геройдар көстүүмнэрин кэтэн кэлиэхтэрэ, көрөөччүлэр хаартыскаҕа түһүөхтэрин сөп. Тыгын Дархан геройдарынан куукулалар быыстапката үлэлиэ.
Киинэ режиссера Никита Иннокентьевич Аржаков сценаттан көрөөччүлэри эҕэрдэлиэ. Норуот маастардара, улуустартан элбэх киһи кыттыбыта, уопсайа 10 тахса тыһыынча киһи. Үс Хатыҥҥа икки улахан сцена уһуллубута, ыһыах уонна курган. Бу киинэҕэ куоракка баар театрдар артыыстара бары кытыннылар: Саха театра, Эдэр көлүөнэ театра, АГИиК, Култуура колледжын студеннара, хара маҥнайгыттан сыалбыт саха артыыстарын уһулааһын –диэн этэ.
Каскадердары көрдөөн Монголияҕа бара сылдьыбытым. Онно аттарын көрөн баран, биһиги аттарбытыгар олох тиийбэттэр эбит, биһиги аттарбыт төп-төгүрүктэр, көп түүлээхтэр, атахтара кылгас. Киинэҕэ бэйэбит сылгыһыттарбыт трюктары оҥордулар. Холобура, Чурапчыга тыһыынчанан эр киһи боотур буолбуттара, 109 миинэр аттаах финальнай сцена уһуллубута.

Тыгын Дархан диэн кинигэ тахсан эрэр дуо?

Эдэр көлүөнэ Тыгын Дарханы билбэт диэн сыалтан, кини туох киһиний, туох төрүттээҕин билиһиннэрээри, кинигэбитигэр Бравина Розалия Иннокентьевна, Иванова-Унарова Зинаида Ивановна, Андриан Афанасьевич Борисов историческай наука доктордара консультаннаахпыт. Кинилэртэн XVII-XVIII үйэҕэ хайдах таҥаһы таҥналларын, иһиттэрин-хомуостарын, туттар тэриллэрин, абыычайдарын сүбэлэттэрэн художниктар үлэлээбиттэрэ.

Бу тахсар кинигэ сахалыы тылынан тахсар дии?

Сахалыы, элбэх хаартыскалаах, киинэбит уһуллуутун туһунан.

Бу кинигэ премьераҕа кэлбит көрөөччүгэ приз быһыытынан туттарыллар диэн истибиппит. Оннук дуо?

Оннук. Боппуруостарга таба эппиэттээбит көрөөччү сүүйэр.
Онон көрөөччүлэри ыҥырыам этэ, Тыгын Дархан киинэни Өксөкүлээх Өлөксөй аатынан норуоттар доҕордоһууларын дьиэтин «Россия» киинэ саслыгар кэлэн көрөргүтүгэр ыҥырабыт.

Кэпсээнин иһин махтал, Вера Михайловна.

Если вы увидели интересное событие, присылайте фото и видео на наш Whatsapp
+7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору. Спасибо!
Система Orphus
Наверх