Томороон тымныылары аахсыбакка…

???Хаҥалас улууһун Өктөм нэһилиэгин олохтооҕо томороон тымныылары аахсыбакка, күн аайы хайыһардыыр идэлээх

Михаил Засимов 84 саастаах, бачча сааһыгар диэри хаһаайыстыбатын бэйэтэ көрөн олорор. Бу кыаҕы киниэхэ хайыһар биэрэр эбит. Хайыһарынан 90 – ус сыллартан үлүһүйэн дьарыктаммыт. Элбэх улуустааҕы, өрөспүүбүлүкэтээҕи күрэхтэр кыайыылааҕа буолар.

Кини сарсыардааҥҥытын аһаан, хотонун көрөн баран, күн аайы, хаар баарын тухары, чугастааҕы күөлгэ хайыһардыы киирэр. Ып-ыраас, чэбдик салгынынан 3-4 килэмиэтир сири хааман дуоһуйууну ылар. Күннээҕи угэһэ тымныыттан, тыалтан, тумантан тутулуга суох толоруллар.

Маннык дьарыктаах буолан Михаил Засимов бэйэтин сааһыгар олус эрчимнээх, чэгиэн туруктаах, өйө-санаата тобуллаҕас, олоххо тардыһыыта күүстээх.