Толору олохтоох, сынньалаҥы билиммэт Далбар Хотун

Биһиги Арассыыйа ийэлэрин күнүнэн олоҕу салгыбакка таптыыр, кырыйдым диэн дьиэ иһигэр хаайтарбат бэртээхэй иистэнньэҥ, үкүүһүт, ырыаһыт, күн күбэй ийэ, эбээ, хос эбээ Тамара Егоровна Степанованы кытта билиһиннэрэбит. Кини Үөһээ Бүлүү биир ытык-мааны Далбар Хотуна. Киһи олоҕун иккис аҥара толору буоларын кини ала-чуо көрдөрөр. Кини бэйэтин курдук бочуоттаах сынньалаҥҥа тахсыбыт биир санаалаахтарын кытта “Дьүөгэ” диэн кулуупка мустан, ыллыыллар, үҥкүүлүүллэр, иистэнэллэр. Кинилэр өрөспүүбүлүкэ бөдөҥ тэрээһиннэригэр үөрэ-көтө кытталлар. Ону кытта ыллылар даҕаны дьон сүргэтин көтөҕөөрү концертыы бараллар.

“Пандемиянан сибээстээн, ийэбит тыына-быара ыгылынна ахан, барарын-кэлэрин суохтуур. Ол да буоллар, күн бокуойа суох, наар иистэнэр. Биһиги ийэбит биһиэхэ үтүө холобурунан буолар. Кини курдук олоххо көхтөөх буоларга үөрэнэбит”, — диир улахан кыыһа Саргылаана Барахова-Ымыы, биллэр дизайнер, этнопсихолог.

Если вы увидели интересное событие, присылайте фото и видео на наш Whatsapp
+7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору. Спасибо!
Система Orphus
Наверх