«Төрүт тыллар» — үөрэтэр-иитэр хайысхалаах портал/платформа

Сэтинньи 23 кунугэр «Саха Өрөспүүбүлүкэтигэр судаарыстыбаннай уонна дьиҥ таһымнаах тыллары харыстааһын уонна сайыннарыы» диэн ааттаах Саха Өрөспүүбүлүкэтин судаарыстыбаннай бырагырааматын чэрчитинэн анал бырайыактар сүрэхтэниилэрэ А.Е. Кулаковскай-Өксөкүлээх Өлөксөй аатынан норуоттар доҕордоһууларын дьиэтигэр буолан ааста.

             “С.Н.Донской-II аатынан yэрэ5и сайыннарар уонна идэни урдэтэр унустууккэ “Саха Өрөспүүбүлүкэтин судаарыстыбаннай уонна официальнай тыллары харыстыыр уонна сайыннарар” судаарыстыбаннай бырагыраамма баар. Бу  бырагыраамма  иһинэн  уөрэтэр-иитэр хайысхалаах «Төрүт тыллар” портал/платформа  бырайыак олоххо киирэн үлэлии турар. Платформа билигин араас хайысхалаах матырыйаалынан кэмиттэн кэмигэр санардыллан, ис хоһооно байа турар.  Платформа нууччалыы уонна сахалыы тылынан үлэлиир.

  1. Сонуннар
  2. Үлэтин сүрүн ис хоһооно, тутула    биридимиэттэр тула
  • Өрөспүүбүлүкэ туһунан  араас устуулар(өрөгөй ырыата, Саха сирин туһунан, саха тылын туһунан)
  • Үөрэтиигэ көмө. Учуутал тус үлэтигэр туһалаах матырыйаал угуллар миэстэтэ.
  • Ыйынньык (тылдьыт).
  • Бэлиэ күн халандаара. Ийэ тылбыт күнэ. Сурук-бичик, Олоҥхо күнэ, Хомус күнэ. Ол күн туһунан кылгас билиһиннэрии баар буолар.

Оҕо уруогу көрбүтүн-көрбөтөҕүн, толорбутун-толорбото5ун  учуутал барытын кэтии олорор эбит. Аны тус-туспа кылаастарынан арахсар. Биир кэрэхсэбиллээҕэ диэн уус-уран айымньыны ааҕалларыгар чиҥэтэ таарыйа сыанаҕа турбут испэктээги эмиэ көрөр кыахтаахтар.
Портал матырыйаала былааннаммытынан таҥылынна. Бастаан саха тылын учууталларыгар ордук сөптөөх.

Салгыы төрүт олохтоох омуктар тылларынан нууччалыы, сахалыы матырыйааллар, оскуола иннинээҕи саастаах оҕолорго,  уһуйаан иитиллээччилэригэр, алын сүһүөх кылаас үөрэнээччилэригэр аналлаах үлэ хайысхата кэлэр сылтан былааннанар.

Төрөөбүт тыл учууталларыгар портал үлэтэ сирэй да үөрэнэр кэмҥэ, ыраахтан  да олорон үөрэнии араас түгэнигэр (харантыыҥҥа, улахан тымныыга) үлэлииргэ суолталаах хайысха диэн бэлиэтээн этиэххэ сөп.

Биһиги портал үлэтэ:

  1. бастатан туран, үөрэнээччилэргэ ананар. Оҕолор уруокка тугу  өйдөөбөтөхтөрүн көрүөхтэрин, баар сорудахтары толоруохтарын, тургутуктарынан бэйэлэрин бэрэбиэркэлэниэхтэрин сөп. Оҕо сынньалаҥар да аналлаах матырыйаал баар. Киинэлэри, испэктээктэри да көрөр кыахтаахтар уонна оҕо тылын саппааһын байытарга видео устуулары оҥорор табыгастаах.
  2. Иккиһинэн, төрөппүккэ көмөлөөх. Төрөппүт платформа нөҥүө оҕотугар көмөлөһүөн, тугу үөрэтэллэрин билсиэн, бэйэтэ даҕаны билиитин хаҥатынарыгар туһалаах. Ол иһин төрөппүккэ аналлаах бэсиэдэлэр, төрөөбүт тылы үөрэтиигэ сүбэлэр-амалар баар буолуохтаахтар.
  3. Үсүһүнэн, учууталга аналлаах. Платформаҕа презентациялары, суруйааччылар олохторугар, айар үлэлэригэр сыһыаннаах хаартыскаларын, араас табылыыссалар, оҥкуллар салгыы киирэн иһиэхтэрэ. Портал ис хоһооно ити курдук  утум-ситим байытылла турар.

Бу туьунан Сардаана Ушницкая, унустуут иьинэн уэрэх улэьиттэрин сатабылларын сайыннарар сыантыр салайааччытын солбуйааччыта, итэ5этиилээхтик кэпсээтэ.

Добавить комментарий

Заполните все поля и подтвердите номер телефона

Подтвердить смс Подтвердить Телефон подтвержден, вы можете отправить комментарий!

Если вы увидели интересное событие, присылайте фото и видео на наш Whatsapp
+7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору. Спасибо!
Система Orphus
Наверх