Сунтаарга Билии күнүн бэлиэтээтилэр


Балаҕан ыйын 1 күнүгэр, Сунтаардааҕы политехническай лицей-интернат оскуолатыгар бастакы чуораан линейкатын тэрийдилэр.

image-01-09-21-04-35 image-01-09-21-04-35-15 image-01-09-21-04-35-14 image-01-09-21-04-35-13 image-01-09-21-04-35-7 image-01-09-21-04-35-12 image-01-09-21-04-35-6 image-01-09-21-04-35-5 image-01-09-21-04-35-3
1 из 9

Үгэс быһыытынан оскуоланы бүтэрэр выпускниктар 5 кылааска үөрэнэ киирэр оҕолорго өйдөбүнньүк бэлэхтэри туттардылар, үөрүүлээх тэрээһин сүрүн бэлиэтин —алтан чуорааны алын уонна үрдүкү кылаас үөрэнээччилэрэ чугдаарда тыаһаттылар. Үөрүүлээх тэрээһининэн үөрэнээччилэри, төрөппүттэри уонна саҥа учууталлары үөрэх дьыла саҕаламмытынан улуус Аҕа баһылыга Анатолий Григорьев уонна үөрэҕирии управлениетын салайааччыта Альберт Иванов эҕэрдэлээтилэр.

Быйыл Сунтаар улууһугар уопсайа 4324 үөрэнээччи Билии аартыгын аанын арыйда. Бастакы кылааска 421 оҕо, оскуоланы 318 выпускник бүтэрэр, 18 эдэр специалистар педагогическай үлэлэрин саҕалыахтара.«Образование» национальнай бырайыак олоххо киириитин үлэтэ улууска күргүөмнээхтик, былааннаахтык ыытыллар. Быйыл саҥа үөрэх дьылыгар 6 оскуолаларга «Точка Роста» естественнонаучнай хайысхалаах кииннэр аһылланнар үлэлиэхтэрэ. «Цифровая образовательная среда» федеральнай бырайыакка 5 оскуола холбоһон үлэлииллэрэ былааннанна. 19 оҕо уһуйааннара уонна 6 эбии үөрэхтээһин тэрилтэлэрэ очнай режиминэн үлэлиэхтэрэ. Сунтаар нэһилиэгэр 240 миэстэлээх «Солнышко» оҕо уһуйаанын саҥа таас дьиэтэ аһыллан үлэлиэҕэ.

Ааспыт ЕГЭ түмүгүнэн биһиги улууска Сунтаардааҕы политехническай лицей-интернат выпускницата Айыына Павлова литература предметын 100 баалга туттаран дьонун-сэргэтин үөрдэн турар.

Бүгүн Билии күнүн үөрүүлээх линейкатыгар кинини уонна кини учууталыгар Туйаара Евсееваҕа улуус Аҕа баһылыга Анатолий Григорьев үрдүк көрдөрүүлээх ситиһиилэринэн эҕэрдэлээн туран 50 000 тыһ. сууммалаах сертификаттары туттарда.

Бу сылга ЕГЭ-ни 285 выпускник, ол иһигэр 20 урукку сыллардааҕы выпускниктар, ОГЭ-ны 352 выпускник туттарда. 11 кылааһы 265 оҕо бүтэрдэ. Билиҥҥи туругунан үрдүк үөрэх тэрилтэлэригэр 77, орто анал үөрэх тэрилтэлэригэр 152 выпускник үөрэххэ киирдэ.

Если вы увидели интересное событие, присылайте фото и видео на наш Whatsapp
+7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору. Спасибо!
Система Orphus
Наверх