Сунтаар улууһугар 2020 сыл…

…түмүгүнэн тыа хаһаайыстыбатын бастыҥтан бастыҥ туруу үлэһит дьонун чиэстээтилэр

Тохсунньу 13 күнүгэр, билигин аан дойду үрдүнэн уустук быһыы-майгы бүрүүкээбитин, мэһэй-харгыс үөскүү турбутун үрдүнэн Сунтаарбыт улууһугар тыа хаһаайыстыбатын сайдыытыгар күн бүгүн быһаччы сүөһү-сылгы иитиитигэр, өлгөм үүнүүнү ылыыга, бэйэ бородууксуйатын оҥорон таһаарыыга үлэлии-хамсыы сылдьар тыа сирин туруу үлэһит дьонун улуус Аҕа баһылыга Анатолий Григорьев эҕэрдэлээтэ.

Тэрээһин үөрүүлээх чааһыгар “СӨ агропромышленнай комплексын Бочуоттаах үлэһитэ” аат “Кириэстээх” тыа хаһаайыстыбатын производственнай кооперативын тырахтарыыһыгар Владимир Торопка  иҥэрилиннэ. 

“Саха сирин тыатын хаһаайыстыбатын бэтэрээнэ” Бочуоттаах бэлиэлэри “Уйгу” ТХПК бэрэссэдээтэлигэр Людмила Львоваҕа, үлэ бэтэрээнигэр Василий Ивановка уонна үлэ бэтэрээнигэр Татьяна Канаеваҕа туттарылыннылар.

“Бочуоттаах наставник” анал бэлиэни “Кириэстээх” ТХПК ыанньыксытыгар, Үлэ Кыһыл Знамята уордьан толору кавалерыгар, “Хотугу Сулус” уордьанын кавалерыгар, СӨ норуотун хаһаайыстыбатын үтүөлээх үлэһитигэр Владимир Михайловка туттарылынна.

“СӨ тыатын хаһаайыстыбатын туйгуна” бэлиэлэринэн “Сырдык Аартык” ТХПК старшай ыанньыксыта Саргылаана Алексеева, “Кириэстээх” ТХПК Куокуну отделениетын механизатора Григорий Гоголев, “Кириэстээх” ТХПК механизатора Март Дорофеев, “Игнатьев” бааһынай фермерскэй хаһаайыстыба баһылыга Павел Игнатьев, “Кириэстээх” ТХПК Куокунутааҕы отделениетын бухгалтера Ульяна Константинова, “Семенов” бааһынай фермерскэй хаһаайыстыба баһылыга Станислав Семенов уонна “Хочо” МУП кылаабынай бухгалтера Мария Филиппова наҕараадаланнылар. 

“СӨ ас-үөл бырамыысыланнаһын туйгуна” бэлиэни “Благо 8” ТХПОК салайааччытыгар Римма Семеноваҕа туттарылынна.

“СӨ сылгы иитиитэ сайдыытыгар кылаатын иһин” түөскэ кэтиллэр бэлиэннэн “Сунтаар нэһилиэгэ” муниципальнай тэриллии сылгы иитиитин уонна ат спордун тренера Николай Павлов наҕараадаланна.

Тыа сирин сайдыытыгар тус кылааттарын иһин хоһуун үлэһит дьоммутугар  СӨ Тыатын хаһаайыстыбатын министиэристибэтин Махтал суруктара, “Сунтаар улууһун тыатын хаһаайыстыбатын сайдыытыгар кылаатын иһин” бэлиэлэр уонна махтал суруктар туттарылыннылар.