Сунтаар улууһун дьаһалтата «Юные Якутяне» киини кытта сөбүлэҥ түһэристэ

Кулун тутар 9 күнүгэр, Сунтаар улууһун Аҕа баһылыга Анатолий ГРИГОРЬЕВ «Юные Якутяне» өрөспүүбүлүкэтээҕи ресурснай киин дириэктэрин Варвара ВАСИЛЬЕВАНЫ көрсөн былырыын Кэмпэндээйи нэһилиэгэр Г.Е. Чолбодуков аатынан санаторий базатыгар оҕолор дьоҕурдарын сайыннарар уонна доруобуйаларын чэбдигирдэр өрөспүүбүлүкэтээҕи «Сир уустара» киин үлэтин-хамнаһын, үөрэтэр бырагыраамматын торумнаатылар. Манна үс ый устата Кэмпэндээйи оскуолатыттан 150 оҕо үөрэҕи ситиһиилээхтик ааспыт, онтон муус устар ыйтан саҕалаан улууспут бары оскуолаларыттан саҥа смена үөрэнээччилэр кэлэллэрэ былааннанар.

Дьыалабыай кэпсэтии түмүгүнэн, инникитин бииргэ үлэлииргэ болдьоҕо суох сөбүлэҥ түһэристилэр.