Сунтаар улууһун дьаһалтата дириҥ кутурҕанын тиэрдэр

«Сунтаар улууһа (оройуона)» муниципальнай оройуон дьаһалтатын уонна оройуоннааҕы депутаттар Сэбиэттэрин ааттарыттан, СССР спордун маастара, ЯАССР үтүөлээх тренера, тойуксут, оһуохайдьыт

САФОНОВ
Николай Иванович

89 сааһыгар күн сириттэн күрэммитинэн чугас аймахтарыгар дириҥ кутурҕаммытын тиэрдэбит.

Николай Иванович 1931 сыллаахха алтынньы 14 күнүгэр Дьаархан нэһилиэгэр төрөөбүтэ. Оскуола кэннэ Дьокуускайдааҕы пединституту бүтэрэн Сунтаар уонна Сиэйэ оскуолаларыгар математика учууталынан үлэлээбитэ. 1957-1958 сылларга көҥүл тустууга Сунтаар улууһун чөмпүйүөнэ. Москва куоракка И.В.Сталин аатынан Центральнай Государственнай Ленин орденнаах институт физкультура салаатын бүтэрбитэ. 1965 сыллаахха СССР спордун маастара  ааты ылбыта. Өр сылларга тренерынан үлэлээн 1981 сыллаахха ЯАССР үтүөлээх тренера аат иҥэриллибитэ. Николай Иванович спордунан эрэ муҥурдаммакка, эдэр ыччаты бэйэ дойдуга бэриниилээх буоларга төрүт култуурабыт үтүөтүгэр угуйан элбэх сыралаах үлэни ыыппыта. Тас дойдуларга кытары саха төрүт култууратын тарҕатыыга кини киллэрбит кылаата сүдү. Ыһыахтар уонна өрөспүүбүлүкэтээҕи оһуохай этээччилэр уонна тойуксуттар күрэхтэрин хас да төгүллээх кыайыылааҕа, олоҥхо фестивалларын лауреата. Кини үөрэппит оҕолоро араас күрэхтэргэ бастакы миэстэҕэ тиксэн СӨ Бирисидиэнин Бочуотунай Грамататынан наҕараадаламмыта. Кини суруйбут  “Сүмэ тыллар”, “Түөн тыллар”, “Дьон-сэргэ ох тыла”, “Көмүс дьүрүһүн”, “Хайдах хайдаҕый?”, “Олоҥхобут тыына – олохпут тыына”, “Түөрэхтэһии” кинигэлэрэ элбэх дьон-сэргэ биһирэбилин ылбыттара.

Николай Иванович Сахабыт сиригэр спорт уонна култуурасайдыытыгар сүдү кылаатын иһин дириҥник махтанабыт, кини оҥорбут үтүөлэрэ дьон-норуот ортотугар сүппэт өйдөбүнньүк буолуо диэн эрэнэбит.

Если вы увидели интересное событие, присылайте фото и видео на наш Whatsapp
+7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору. Спасибо!
Система Orphus
Наверх