Сунтаар улууһун аҕа баһылыгын Ороһооспотооҕу харыйата

Тохсунньу 15 күнүгэр, сылын аайы үтүө үгэс быһыытынан Сунтаарбыт улууһун бары оскуолаларын 100 бастыҥтан бастыҥ, үөрэххэ, научнай-чинчийэр үлэҕэ, култуура эйгэтигэр элбэх ситиһиилээх, активист уонна спортсмен оҕолорун чиэстээтибит. 

Сунтаар улууһун аҕа баһылыга Анатолий Григорьев төһө да судургута суох сыл ааспытын аахсыбакка биһиги улууспут оскуолаларын үөрэнээччилэрэ бэйэлэрин талба талааннарынан, чаҕылхай билиилэринэн араас таһымнаах күрэхтэргэ кыттан улуустарын аатын ааттата туралларын хайгыы бэлиэтээтэ уонна оҕолорго талбыт үөрэхтэригэр туттарсан киирэллэригэр, инникитин үтүө үлэһит дьон буолан тапталлаах төрөөбүт улуустарын сайыннара туралларыгар баҕа санаатын эттэ. 

image-15-01-21-05-16-1 image-15-01-21-05-16-6 image-15-01-21-05-16-5 image-15-01-21-05-16-4 image-15-01-21-05-16-3 image-15-01-21-05-16-2 image-15-01-21-05-16-9 image-15-01-21-05-16-8 image-15-01-21-05-16-7 image-15-01-21-05-16-10
1 из 10

Ааспыт сыл түмүгүнэн бастыҥтан бастыҥ, чулууттан-чулуу, уһулуччу оҕолору улуус аҕа баһылыгын гранынан наҕарадалаата. Ону таһынан СӨ ыччат дьыалатыгар уонна социальнай коммуникация министиэристибэтиттэн «Дьулуур» бэлиэннэн Күндэйэ оскуолатын үөрэнээччитэ Анастасия Веригина наҕараадаланна.

Улуус общественнай олоҕор көхтөөхтүк кыттар, куруук инники күөҥҥэ сылдьар 15 активист  үөрэнээччилэри баһылыгы социальнай уонна имиджевэй бэлиитикэҕэ солбуйааччы Гаврил Еремеев эҕэрдэлээтэ.

Үөрэхтэригэр, олимпиадаларга, научно-практическай конференцияларга үрдүк ситиһиилээх 33 үөрэнээччилэри үөрэх управлениятын салайааччыта Альберт Иванов эҕэрдэлээтэ.

Ырыа ымыылаах, үҥкүү куттаах, талба талааннаах ситиһиилээх 9 ыччаты култуура уонна духуобунай сайдыы управлениетын салайааччыта Мария Кобельянова эҕэрдэлээтэ.

Спортка үрдүк ситиһиилэрдээх бастыҥ 13 үөрэнээччини спорт салаатын салайааччыта Семен Павлов эҕэрдэлээтэ.

Если вы увидели интересное событие, присылайте фото и видео на наш Whatsapp
+7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору. Спасибо!
Система Orphus
Наверх